معروف امریکی ٹیکنالوجی کمپنی ٹیسلا نے اعلان کیا ہے کہ انہوں نے 1.5 بلین ڈالر مالیت کے بٹ کوائن خرید لیے ہیں۔
امریکی خبر رساں ادارے کی رپورٹ کے مطابق کمپنی نے اس حوالے سے جاری بیان میں کہا ہے کہ رقم کی نظام ترسیل کو مزید متنوع بنانے کے لیے بٹ کوائن کی خریداری کی گئی ہے۔
ٹیسلا نے یہ بھی اعلان کیا ہے کہ وہ اپنی مصنوعات کو بٹ کوائن کے عوض فروخت کرنے کے لیے بھی تیار ہے۔
اس طرح ٹیسلا بٹ کوائنز میں کاروبار کرنے والا پہلا اور سب سے بڑا کارساز ادارہ بن گیا ہے۔
بٹ کوائن کی قیمت تاریخ کی بلند ترین سطح پر جا پہنچی
یاد رہے کہ چند روز قبل ایلون مسک نے پیش گوئی کی تھی کہ بٹ کوائن کو کرنسی کے طور پر عالمی سطح پر قبول کرلیا جائے گا۔
انہوں نے کہا تھا کہ سرمایہ کار تجارتی معاملات کے لیے کرپٹوکرنسی کو قبول کرلیں گے۔
انہوں نے سوشل میڈیا پر کرپٹو کرنسی کے حوالے سے اپنی مہم سے بھی آگاہ کیا۔
کرپٹو کرنسی بٹ کوائن کو بڑا دھچکا
اسپیس ایکس کے سربراہ کی جانب سے گزشتہ دنوں ٹوئٹر پر بٹ کوائن ہیش ٹیگ بھی چلایا گیا جس کے بعد ڈیجیٹل کرنسی کی قدر میں 14 فیصد اضافہ ریکارڈ کیا گیا۔
