وفاقی وزیر برائے سائنس و ٹیکنالوجی فواد چوہدری کی اہلیہ حبا فواد نے فیشن کی صنعت میں قدم رکھتے ہوئے ہم برائیڈل کٹیور ویک میں اپنی پہلی کولیکشن پیش کر دی ہے۔
فواد چوہدری کی اہلیہ حبا فواد نے اپنی عروسی ملبوسات کی پہلی کولیکشن ‘نسا حسین‘ کے نام سے ہم برائیڈل کٹیور ویک میں پیش کی۔
ہم برائیڈل کٹیور ویک میں نسا حسین کلیکشن کو خوب پذیرائی سے نوازا گیا۔
ہم نیوز سے گفتگو کرتے ہوئے حبا فواد کا کہنا تھا کہ ہم برائیڈل کٹیور ویک میں پہلی کولیکشن پیش کرنے کا تجربہ شاندار رہا۔
انہوں نے مزید کہا کہ برائیڈل کٹیور ویک ہم نیٹ ورک کا شاندار اقدام ہے، ہم نیٹ ورک کی شکرگزار ہوں کہ انہوں نے فیشن کے بڑے پلیٹ فارم کا حصہ بنایا۔
اپنی پہلی کولیکشن ’نسا حسین‘ کے بارے میں حبا فواد نے بتایا کہ میں نے ہر طبقہ کی خواتین کے لئے ڈیزائن بنائے ہیں۔
اداکارہ ریشم اور حریم فاروق حبا فواد کے تیار کردہ عروسی ملبوسات زیب تن کرکے ریمپ پر جلوہ افروز ہوئیں۔
اہلیہ کی حوصلہ افزائی کے لیے وفاقی وزیر فواد حسین چوہدری نے بھی تقریب میں خاص طور پر شرکت کی۔
