ایتھنز: یونان میں موسیقار نے قبر سے ڈھانچہ نکال کر گٹار بنا لیا۔
غیر ملکی خبر رساں ایجنسی کے مطابق یونان میں موسیقار نے اپنے انکل کو انوکھے انداز سے خراج تحسین پیش کیا۔ موسیقار نے اپنے انکل کی قبر سے ڈھانچہ نکال کر گٹار بنا لیا۔
یاگو نامی گلوکار نے مطابق اس کے مرحوم انکل فلپ کا انتقال 1996 میں کار حادثے میں ہو گیا تھا جب وہ 28 سال کے تھے۔ انہوں نے اسے جدید آلات موسیقی کی ترغیب دی تھی اور وہ اب یہ دیکھ کر مسکرا رہے ہوں گے۔
یہ بھی پڑھیں: رکشہ ڈرائیور کی بیٹی مس انڈیا 2020 کی رنر اپ
41 سالہ گلوکار اپنے انکل کے ڈھانچے سے الیکٹرک گٹار بنانے میں کامیاب ہو گیا۔ ان کا کہنا تھا کہ ریڑھ کی ہڈی زیادہ سخت ہونے کی وجہ سے دشواری کا سامنا کرنا پڑا تاہم اسے اسٹیل کی راڈ اور بریکٹ کی مدد سے مکمل کیا گیا۔
انہوں نے کہا کہ یہ گٹار بھی بالکل اسی طرح کام کرتا ہے جس طرح دیگر گٹار کام کرتے ہیں۔
