وفاقی وزیر برائے سائنس و ٹیکنالوجی فواد چودھری نے کہا ہے کہ پاکستان پیپلز پارٹی (پی پی پی) دوسری جماعتوں کے اراکین خرید کر ہی سینیٹ انتخابات میں سندھ سے 10 نشستیں جیت سکتی ہے۔
سماجی رابطوں کی ویب سائٹ ٹوئٹر پر شیئر کیے گئے ایک پیغام میں فواد چودھری کا کہنا ہے کہ وزیر اعلیٰ سندھ مراد علی شاہ کہہ رہے کہ سندھ سے10نشستیں جیتیں گے۔
وزیر اعلیٰ سندہ کہ رہے ہیں ہم سندہ سے دس نشستیں جیتیں گےظاہر ہے یہ صرف تب ممکن ہے جب آپ دوسری جماعتوں کے ممبران خریدیں، یہ ہی وہ روایات ہیں جن کو جاری رکھنے کیلئے پیپلز پارٹی اوپن ووٹنگ کی مخالفت کرتی ہے اور خفیہ ووٹنگ پر زور دیتی ہے، سپریم کورٹ اس بیان کو اپنے ریکارڈ کاحصہ بنائے pic.twitter.com/pwpPFN66cQ
— Ch Fawad Hussain (@fawadchaudhry) February 14, 2021
انہوں نے وزیر اعلیٰ سندھ کو مخاطب کرتے ہوئے کہا کہ ظاہر ہے یہ تب ہی ممکن ہے جب آپ دوسری جماعتوں کے ممبران خریدیں۔
فواد چودھری نے تحریر کیا کہ یہی وہ روایات ہیں جن کو جاری رکھنے کے لیے پیپلز پارٹی اوپن ووٹنگ کی مخالفت کرتی ہے۔
یہ بھی پڑھیں: رابی پیرزادہ کا فواد چودھری سے ٹک ٹاک پر پابندی عائد کرنے کا مطالبہ
ان کا کہنا تھا کہ پیپلزپارٹی خفیہ ووٹنگ پر زور دیتی ہے، سپریم کورٹ اس بیان کو ریکارڈ کا حصہ بنائے۔
