دنیا کے سب سے خوبصورت گوادر نیشنل کرکٹ اسٹیڈیم میں پہلے دوستانہ میچ کا انعقاد کیا گیا ہے۔
سیاسی، سماجی اور شوبز ستاروں کے درمیان میچ میں برطانوی ہائی کمشنر نے پہلا ٹاس کرنے کا اعزاز حاصل کیا۔
نمائشی میچ کا نام ’سوپر ہے پاکستان کپ‘ رکھا گیا ہے۔ میچ سے قبل محمد علی سدپارہ کیلئے خصوصی دعا کا بھی اہتمام کیا گیا۔
Sideline updates from Gwadar Cricket Stadium #CricketAtGwadar pic.twitter.com/Y5DcZgFzsi
— Ministry of Overseas Pakistanis & HRD ?? (@mophrd) February 19, 2021
اس موقع پر معاون خصوصی زلفی بخاری نے کہا کہ کے ٹو سے گوادر تک پاکستان کی یہی خوبصورتی ہے، سانحات بھی ہمیں متحد کر دیتے ہیں۔
برطانوی ہائی کمشنر کرسچن ٹرنر نے کہا کہ گوادر کرکٹ اسٹڈیم پوری دنیا میں خوبصورت ہے۔
An honour to preside over coin toss at inaugural #CricketAtGwadar match at beautiful Gwadar stadium. @sayedzbukhari Gwadar Dolphins choses to bowl against Showbiz Sharks. pic.twitter.com/NBpfNPpYPc
— Christian Turner (@CTurnerFCDO) February 19, 2021
وفاقی وزیر علی زیدی نے کہا کہ ایسے ایونٹ کے انعقاد سے عوام کو گوادر کی خوبصورتی کا علم ہوگا۔
میچ میں شوبز شارکس کی قیادت پاکستان کرکٹ بورڈ (پی سی بی )کے سی ای او وسیم خان کر رہے ہیں جب کہ ٹیم میں فخر عالم، فیصل قریشی، اعجاز اسلم، فیضان شیخ اور دیگر شامل ہیں ۔
گوادر ڈولفن کی ٹیم میں زلفی بخاری، علی زیدی سمیت مختلف شخصیات شامل ہیں۔