معروف ترکش ڈرامے ارطغرل غازی کی ’حلیمہ سلطان‘ سپر اسٹار اسری بلجک پشاور زلمی فیملی کا حصہ بن گئیں۔
پشاور زلمی کے سربراہ جاوید آفریدی نے سماجی رابطوں کی ویب سائٹ ٹوئٹر سے جاری اپنے پیغام میں اسری’ بلجک کو زلمی فیملی میں خوش آمدید کہا ہے۔
WELCOME ESRA BILGIC @esbilgic TO THE ZALMI FAMILY. #HALIMESULTANXZALMI #ZKINGDOM pic.twitter.com/PcAgyhBpOk
— Javed Afridi (@JAfridi10) February 19, 2021
ہانیہ عامر پشاور زلمی کا حصہ بن گئیں
خیال رہے کہ اس سے قبل پاکستانی فلم و ڈرامہ انڈسٹری کی معروف اداکارہ ہانیہ عامر اور ماہرہ خان بھی پشاور زلمی کا حصہ بن چکی ہیں۔
پشاور زلمی کے آفیشل فیس بک اکاؤنٹ پر ہانیہ عامر کو برانڈ ایمبسڈر مقرر کیے جانے کا اعلان کیا گیا۔
زلمی کے فیس بک اکاؤنٹ پر ہانیہ عامر کی تصویر کے ساتھ تحریر کیا گیا کہ ’ہم ہانیہ عامر کو چھٹے سیزن میں پشاور زلمی کا حصہ بننے پر خوش آمدید کہتے ہیں‘۔
قبل ازیں معروف پاکستانی اداکارہ ماہرہ خان پاکستان سپر لیگ (پی ایس ایل) کے چھٹے سیزن میں پشاور زلمی کی برانڈ ایمبیسڈر بنایا گیا تھا۔
میڈیا اور فرینڈ ویلیو کے لحاظ سے پاکستان سپر لیگ کی سب سے مقبول فرنچائز پشاور زلمی کی جانب سے اعلان کیا گیا تھا کہ اداکارہ ماہرہ پی ایس ایل سیزن 6 میں سپورٹ کریں گی۔
یہ بھی پڑھیں: پختون شائقین چاہتے تھے کہ میں پشاور زلمی سے کھیلوں، راشد خان
ہم ٹی وی کے ڈرامہ سیریل ’ہمسفر‘ سے شہرت کی بلندیوں کو چھونے والی اداکارہ ماہرہ خان کو پی ایس ایل 3 اور پی ایس ایل سیزن 4 کے بعد تیسری مرتبہ پشاور زلمی کا برانڈ ایمبیسڈر مقرر کیا گیا ہے۔
پشاور زلمی کے چیئرمین جاوید آفریدی نے ٹوئٹر پر ماہرہ خان کو پشاور زلمی کا ایمبیسڈر بنانے کا اعلان کیا اور ساتھ ہی انہیں زلمی فیملی میں خوش آمدید بھی کہا۔
