نئی دہلی: بھارت میں ایک میچ کے دوران نوجوان بلے باز وکٹ پر ہی جان کی بازی ہار گیا۔ بھارت میں اس سے قبل بھی ایسا ہی ایک واقعہ پیش آیا تھا کہ جب بلے باز نے گراؤنڈ میں ہی ہارٹ اٹیک کے باعث جان کی بازی ہاری تھی۔
رضوان کی دوران میچ نماز کی ادائیگی، تصویر وائرل
ہم نیوز نے بھارتی ذرائع ابلاغ سے بتایا ہے کہ بھارتی ریاست مہارشٹرا کے علاقے جونار سٹی کے اسٹیڈیم میں ایک میچ کھیلا جا رہا تھا جو مقامی سطح پر منعقد ہونے والے ٹورنامنٹ کے حوالے سے تھا کہ اچانک نان اسٹرائیک اینڈ پہ کھڑے بلے باز وکٹ پہ گر پڑے۔
ذرائع ابلاغ کےمطابق وکٹ پر گرنے والے بلے باز کو فوری طور پر امپائر سمیت ساتھی بلے باز نے سہارا دیا اور سینے کو دبا کر سانسیں بھی بحال کرانے کی کوشش کی کیونکہ ان کی سانسیں اکھڑتی ہوئی محسوس ہو رہی تھیں مگر وہ سنبھل نہ سکے اور اسپتال پہنچنے پر ڈاکٹروں نے بتایا کہ وہ جان کی بازی ہار چکے ہیں۔
رمیز راجہ کی کمنٹری پاکستان کیلئے اچھی نہیں ؟
وکٹ پر جان کی بازی ہارنے والے نوجوان بلے باز نے امپائر سے چند سیکنڈ قبل دریافت کیا تھا کہ اوور مکمل ہونے میں کتنی گیندیں باقی ہیں؟ یہ سوال ان کی زندگی کی آخری بات چیت ثابت ہوا۔
بھارتی ذرائع ابلاغ کے مطابق بلے بازی کے دوران وکٹ پر گر کے اپنی جان کی بازی ہارنے واللے بلے باز کے متعلق ڈاکٹروں نے بتایا ہے کہ انہیں ہارٹ اٹیک ہوا تھا۔
پاکستان کی تاریخ کا پہلا ٹیسٹ کھیلنے والے سابق کرکٹر وقار حسن انتقال کرگئے
بھارت میں اس سے قبل بھی ایک 25 سالہ نوجوان کرکٹر نے دوران میچ جان کی بازی ہاری تھی۔
