’ پارری گرل‘ دانا نیر پاکستان سپر لیگ (پی ایس ایل) میں لاہور قلندرز اور پشاور زلمی کا میچ دیکھنے کراچی کے نیشنل اسٹیڈیم پہنچ گئیں۔
اس دوران پی ایس ایل نے سماجی رابطوں کی ویب سائٹ ٹوئٹر پر ان کی ایک ویڈیو بھی جاری کی ہے جس میں وہ کہ رہی ہیں ’ یہ میں ہوں ، یہ اسٹیڈیم ہے اور یہ ہمارا پی ایس ایل 6 ہو رہا ہے‘۔
#PawriHoRahiHai ?? pic.twitter.com/nwj2ucTRuy
— PakistanSuperLeague (@thePSLt20) February 21, 2021
اس سے قبل دانانیر میچ کے دوران پشاور زلمی کے سربراہ جاوید آفریدی کے ساتھ بیٹھی ہوئی نظر آئی جس میں دیکھا جا سکتا ہے کہ انہوں نے پشاور زلمی کی شرٹ زیب تن کی ہوئی ہے اور وہ اسے سپورٹ کر رہی ہیں۔
یہ مراسلہ Instagram پر دیکھیں
بھارت میں لیٹ نائٹ پارری کرنے والوں کی شامت آگئی
خیال رہے کہ گزشتہ دنوں سوشل میڈیا پر چند سیکنڈز کی ایک ویڈیو وائرل ہوئی تھی جس میں نوجوان لڑکی دانا نیر مبین اپنے ہاتھ میں کیمرہ پکڑے پہلے اپنے پیچھے کھڑی ایک گاڑی اور پھر اپنے چند دوست دکھاتی ہے اور اس کے ساتھ ساتھ ہی وہ اپنے مخصوص لہجے میں کہتی ہیں کہ یہ ہماری کار ہے، یہ ہم ہیں اور یہ ہماری پارری ہو رہی ہے۔
دیکھتے ہی دیکھتے سوشل میڈیا پر لوگوں نے اس ویڈیو کی میمز بنانا شروع کر دیں جنہیں پاکستان سمیت بھارت میں بھی خوب پسند کیا جا رہا ہے۔