پاکستان سپر لیگ (پی ایس ایل) سیزن 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دے دی۔
نیشنل اسٹیڈیم کراچی میں کھیلے جانے والے میچ میں لاہور قلندرز نے کوئٹہ گلیڈی ایٹرز کی جانب سے دیا گیا 179 رنز کا ہدف محمد حفیظ اور فخر زمان کی دھواں دار بلے بازی کی بدولت اننگز کے 19 ویں اوور میں حاصل کر لیا۔
کوئٹہ کی جانب سے دیئے گئے بڑے ہدف کے تعاقب میں لاہور نے اچھا آغاز کیا تاہم قلندرز کی پہلی وکٹ 64 رنز پر گری جب کپتان سہیل اختر 21 رنز بنا کر آؤٹ ہوئے۔
OK who made @MHafeez22 mad we just want to talk…
ANOTHER SIX#HBLPSL6 | #MatchDikhao | #QGvLQ pic.twitter.com/kq72T7o0H2
— PakistanSuperLeague (@thePSLt20) February 22, 2021
اس موقع پر تجربہ کار محمد حفیظ کریز پر آئے اور انہوں نے فخر زمان کے ساتھ مل کر کوئٹہ گلیڈی ایٹرز کے بولرز کے خلاف دھواں دار بلے بازی کی۔
Fakhar Zaman is a moooood#HBLPSL6 | #MatchDikhao | #QGvLQ pic.twitter.com/PbWtSndV1s
— PakistanSuperLeague (@thePSLt20) February 22, 2021
قلندرز کی جانب سے محمد حفیظ نے 73 جب کہ فخر زمان نے 82 رنز کی ناقابل شکست اننگز کھیلی۔
کوئٹہ کی ٹیم نے ناقص فیلڈنگ کا مظاہرہ کیا جہاں گیند بازوں نے نو گیندیں کرائی وہیں فیلڈرز نے کئی کیچز بھی چھوڑے۔
کوئٹہ کی اننگز
اس سے پہلے کوئٹہ نے مقررہ 20 اوورز میں 6 وکٹوں کے نقصان پر 178 رنز بنائے۔
میچ کے آغاز پر لاہور قلندرز کی عمدہ گیند بازی کی بدولت گلیڈی ایٹرز کی ابتدائی دو وکٹیں جلد گر گئیں۔
تاہم کرس گیل اور سرفراز احمد نے ٹیم کو سنبھالا دیا۔ اس دوران قلندرز نے کرس گیل کے دو آسان کیچز ڈراپ کر دیئے جس کا فائدہ اٹھاتے ہوئے کرس گیل نے 68 رنز کی اننگز کھیلی۔
Oh dear ?? You can’t drop @henrygayle – how costly will that be? #HBLPSL6 | #MatchDikhao | #QGvLQ pic.twitter.com/wH0mryMGQQ
— PakistanSuperLeague (@thePSLt20) February 22, 2021
ان کے علاوہ کپتان سرفراز احمد 40 جب کہ محمد نواز 33 رنز بنا کر نمایاں رہے۔
لاہور قلندرز کی جانب سے حارث رؤف نے تین جب کہ شاہین آفریدی، احمد دانیال اور راشد خان نے ایک ایک کھلاڑی کو آؤٹ کیا۔
Guess who ??
That man @iShaheenAfridi does it again. Watch how @TeamQuetta lost their second wicket. #HBLPSL6 | #MatchDikhao | #QGvLQ pic.twitter.com/OsENOaQNXn
— PakistanSuperLeague (@thePSLt20) February 22, 2021
ٹاس
لاہور قلندرز نے کوئٹہ گلیڈی ایٹرز کے خلاف ٹاس جیت کے پہلے گیند بازی کا فیصلہ کیا ہے۔
ٹاس کے بعد گفتگو کرتے ہوئے گلیڈی ایٹرز کے کپتان سرفراز احمد نے کہا کہ لاہور کو بڑا ہدف دینے کی کوشش کریں گے۔
انہوں نے بتایا کہ آج کے میچ کے لیے کوئٹہ گلیڈی ایٹرز کی ٹیم میں 2 تبدیلیاں کی گئی ہیں۔
ٹیمیں
With their first win already in the bag, @lahoreqalandars are set to face @TeamQuetta today. Qalandars have won the toss and chose to field. Let’s look at the lineups of both teams: #MatchDikhao l #HBLPSL6 I #LQvQG pic.twitter.com/JlnmsyyS10
— PakistanSuperLeague (@thePSLt20) February 22, 2021
یہ بھی پڑھیں: پی ایس ایل: کامران اکمل نے اپنا ریکارڈ واپس لے لیا
