کوئٹہ گلیڈی ایٹرز کے مایہ ناز جارح مزاج بلے باز کرس گیل نے ممکنہ طور پر پی ایس ایل 6 میں آج آخری اننگز کھیلی ہے۔
کرس گیل نے لاہور قلندرز کے خلاف مشکل حالات میں عمدہ بلے بازی کرتے ہوئے 40 گیندوں پر 5 چھکوں اور 5 چوکوں کی مدد سے 68 رنز کی اننگز کھیلی۔
What. A. 50.@henrygayle has been on ? ? ?#HBLPSL6 | #MatchDikhao | #QGvLQ pic.twitter.com/lx7MG04ABP
— PakistanSuperLeague (@thePSLt20) February 22, 2021
لاہور قلندرز کی ناقص فیلڈنگ کے باعث کرس گیل کو دو موقع بھی ملے تاہم وہ ٹی ٹوئنٹی کے نمبر ون گیند باز راشد خان کے ہاتھوں بولڈ ہو گئے۔
We promise this isn’t a replay.#HBLPSL6 | #MatchDikhao | #QGvLQ pic.twitter.com/3PZYRF9ZGK
— PakistanSuperLeague (@thePSLt20) February 22, 2021
کرس گیل انٹرنیشنل ڈیوٹی کے لیے واپس وطن روانہ ہو جائیں گے جب کہ ان کی جگہ جنوبی افریقہ کے سابق کپتان فاف ڈوپلسی کوئٹہ کو جوائن کریں گے۔
پی ایس ایل 6: کرس گیل صرف ابتدائی دو میچوں کیلئے دستیاب
گزشتہ دنوں ایک انٹرویو میں کرس گیل نے بتایا تھا کہ وہ کوئٹہ کے لیے ابتدائی دو میچوں میں دستیاب ہیں۔
انہوں نے بتایا کہ سری لنکا کے خلاف ٹی ٹوئنٹی سیریز میں وہ ویسٹ انڈیز کی ٹیم میں شامل ہیں۔
ان کا کہنا تھا کہ سیریز ختم ہونے کے بعد وہ واپس آئیں گے یا نہیں اس حوالے سے کوئی بات چیت نہیں ہوئی ہے۔