اسکردو: پاکستانی کوہ پیما محمد علی سدپارہ کے بیٹے ساجد سدپارہ نے اپنے والد کے ساتھ گزاری آخری شب کی ویڈیو سماجی رابطے کی ویب سائٹ پر شیئر کردی ہے۔
محمد علی سدپارہ اور دیگر لاپتہ کوہ پیماؤں کی موت کی تصدیق
ہم نیوز کے مطابق کے ٹو پر لاپتہ ہو جانے والے پاکستانی کوہ پیما محمد علی سدپارہ کے بیٹے نے سماجی رابطے کی ویب سائٹ ’ٹوئٹر‘ پر جاری کردہ اپنے پیغام کے ساتھ والد کے ساتھ گزاری آخری رات کی ویڈیو شیئر کردی ہے۔
The last & hardest night of my life, together with team & my beloved father #AliSadpara
Fake account @Saajid_Sadpara will download & reproduce this as well. It’s painful but I have to share these to stop fake IDs. Please help @falamb3 @AliZafarsays @asmashirazi @fawadchaudhry pic.twitter.com/vM0nSqGmUu— Sajid Ali Sadpara (@sajid_sadpara) February 20, 2021
محمد علی سدپارہ کے صاحبزادے ساجد علی سدپارہ نے ویڈیو کے ساتھ لکھا ہے کہ ٹیم اور میرے والد کے ساتھ آخری اور میری زندگی کی دشوار ترین رات۔
مرحوم حسن سدپارہ کا بیٹا حکومتی وعدوں کی تکمیل کا منتظر
سماجی رابطے کی ویب سائٹ پر شیئر کی جانے والی ویڈیو میں دیکھا جا سکتا ہے کہ کوہ پیما محمد علی سدپارہ اور ساجد سدپارہ ٹیم کے ہمراہ بیس کیمپ میں موجود ہیں۔
عالمی شہرت یافتہ پاکستانی کوہ پیما محمد علی سد پارہ موسم سرما میں کے ٹو سر کرنے کی مہم کے دوران لاپتہ ہو گئے ہیں۔ ان کی تلاش کے لیے متعدد دن آپریشن کیا گیا لیکن اس میں کسی بھی قسم کی کامیابی نہیں ملی تو اس کے بعد دنیا کے طویل ترین آپریشن کو ختم کردیا گیا۔
ابرار الحق کا علی سدپارہ کا خواب پورا کرنے کا اعلان
ساجد سد پارہ پانچ فروری کو آکسیجن سلینڈر میں پیدا ہونے والی خرابی کے باعث بیس کیمپ میں واپس آگئے تھے جب کہ ان کے والد اپنی ٹیم کے ہمراہ بوٹل نیک کی جانب روانہ ہو گئے تھے۔ ساجد سدپارہ نے اپنے والد کو آخری مرتبہ اسی جگہ دیکھا تھا۔
