سابق ٹیسٹ کرکٹر اور کمنٹیٹر رمیز راجہ کا یوٹیوب چینل ہیک ہو گیا ہے۔
رمیز راجہ نے مائیکرو بلاگنگ ویب سائٹ ٹوئٹر پر ایک پیغام شیئر کیا جس میں انہوں نے مداحوں کو بتایا کہ ان کا یوٹیوب چینل ہیک ہو گیا ہے۔
Working to restore my you tube channel which has been sadly compromised. Bear with me. Thank you.
— Ramiz Raja (@iramizraja) February 25, 2021
رمیز راجہ نے تحریر کیا کہ میرا یوٹیوب چینل ہیک ہو گیا ہے، میں اسے ری اسٹور کرنے کی کوشش کر رہا ہوں۔ میرے ساتھ جڑے رہیں۔ شکریہ۔
معروف کمنٹیٹر رمیز راجہ ’رمیز اسپیکس‘ کے نام سے یوٹیوب چینل چلاتے ہیں جس میں وہ کرکٹ سے متعلق مختلف موضوعات پر تبصرے کرتے نظر آتے ہیں۔
یہ بھی پڑھیں: رمیز راجہ کی کمنٹری پاکستان کیلئے اچھی نہیں ؟
’رمیز اسپیکس‘ کے یوٹیوب پر 10 لاکھ 48 ہزار سبسکرائزر ہیں۔
خیال رہے کہ رمیز راجہ 1992 میں ورلڈ کپ جیتنے والی پاکستانی ٹیم کا حصہ تھے۔ ان کا شمار پاکستان کے بہترین کرکٹ کمنٹیٹرز میں کیا جاتا ہے۔
