عالمی بینک نے فاٹا میں عارضی طور پر بے گھر افراد کے لیے مزید 12 ملین ڈالر کی گرانٹ منظور کی ہے۔
جاری اعلامیے کے مطابق عالمی بینک کی جانب سے فاٹا کیلئے ریکوری پیکج کی مالی اعانت 216 ملین ڈالر ہے۔ اضافی گرانٹ سے فاٹا میں بے گھر افراد کی سپورٹ، بچوں کی صحت اور سروس ڈلیوری میں مدد ملے گی۔
اضافی گرانٹ معاہدے پر دستخط کی تقریب وزارت اقتصادی امور اسلام آباد میں ہوئی۔
مزید پڑھیں: سابقہ فاٹا میں صوبائی اسمبلی کے انتخابات ہونگے یا کروڑوں روپے کا ضیاع ہوگا؟
تقریب سے خطاب کرتے ہوئے وفاقی وزیر برائے اقتصادی امور نے کہا کہ عالمی بینک کی فاٹا کیلئے مالی گرانٹ کیلئے شکر گزار ہیں۔ پراجیکٹ میں خیبر پختونخوا کے 4 نئے اضلاع کی فلاح و بہبود کے پروگرام شامل ہیں۔
