ماہرہ خان ’گگلی چیلنج‘ کا حصہ بن گئیں


پاکستان سپر لیگ (پی ایس ایل) کے چھٹے سیزن میں کوئٹہ گلیڈی ایٹرز کے کھلاڑی کرس گیل کے متعارف کردہ ’گگلی چیلنج‘ نے کھلاڑیوں کے بعد اداکاروں کو بھی اپنے سحر میں جکڑ لیا ہے۔

کرس گیل کے گگلی چیلنج پر بین الاقوامی شہرت یافتہ اداکارہ ماہرہ خان نے بھی حصہ لیا ہے۔

پی ایس ایل کے ٹوئٹر اکاؤنٹ پر شیئر ماہرہ خان کی ’گگلی چیلنج‘ میں ڈانس کی ویڈیو شیئر کی گئی ہے۔

قبل ازیں  گگلی چیلنج پر اسلام آباد یونائیٹڈ کے پاکستانی کھلاڑی حسن علی نے ڈانس کیا تھا جس کی ویڈیو مداحوں کو بھا گئی تھی۔

پی ایس ایل کے ٹوئٹر اکاؤنٹ پر اسلام آباد یونائیٹڈ کے کھلاڑی حسن علی کی ویڈیو شیئر کی گئی جس میں حسن علی کو گگلی چیلنج پر ڈانس کرتے ہوئے دیکھا جا سکتا ہے۔

اس سے قبل افغانستان سے تعلق رکھنے والے پی ایس ایل کی ٹیم لاہور قلندرز کے کھلاڑی راشد خان نے بھی گگلی چیلنج میں حصہ لیا تھا۔

پاکستان سپر لیگ کے سوشل میڈیا اکاؤنٹ کے ذریعے شائقین کو بھی گگلی چیلنج پر اپنی ویڈیو شیئر کرنے کی پیشکش کی گئی تھی۔


متعلقہ خبریں