ڈیل اسٹین نے حسن علی کا خواب پورا کر دیا

اسلام آباد یونائیٹڈ کے فاسٹ بولر حسن علی نے کہا ہے کہ جنوبی افریقہ کے لیجنڈری بولر ڈیل اسٹین کی جانب سے میرے لیے تعریفی کلمات ایسے ہیں جیسے میرا خواب پورا ہو گیا ہو۔

سماجی رابطوں کی ویب سائٹ ٹوئٹر سے جاری اپنے پیغام میں انہوں نے لکھا کہ جو بچہ اسپورٹس مین بننا چاہتا ہے اسے چاہیے، کہ وہ اپنے ملک کے لیے بڑا خواب دیکھے اور اسے پورا کرنے کے لیے خوب محنت کرے۔

اس سے پہلے اپنی ٹوئٹ میں حسن علی نے ڈیل اسٹین کو اپنا پسندیدہ کھلاڑی قرار دیتے ہوئے لکھا تھا کہ  ڈیل ، آپ میرے پسندیدہ ہیں، بس اتنا ہی کہوں گا اور یہی میرا ٹوئٹ ہے۔

حسن علی کی ٹوئٹ پر ردعمل دیتے ہوئے ڈیل اسٹین نے کہا کہ آپ نے ایک مرتبہ پھر اچھی گیند بازی کی، جب آپ کی اچھی فارم لگی ہو تو اس کا خوب فائدہ اٹھانا چاہئے، اور آپ ایسا ہی کر رہے ہو۔

متعلقہ خبریں

ٹاپ اسٹوریز