پی ڈی ایم لانگ مارچ: پیپلز پارٹی کا ہنگامی اجلاس طلب

پی ڈی ایم لانگ مارچ: پیپلز پارٹی کا ہنگامی اجلاس طلب

اپوزیشن اتحاد پاکستان ڈیموکریٹک مومنٹ (پی ڈی ایم) کے لانگ مارچ سے قبل پاکستان پیپلز پارٹی سندھ کا ہنگامی اجلاس کل طلب کرلیا گیا ہے۔

پاکستان پیپلزپارٹی سندھ کے ترجمان اور سابق سینیٹر عاجز دھامرا کے مطابق پارٹی کا اجلاس کل دوپہر 12 بجے پیپلزسیکریٹریٹ کراچی میں ہوگا۔

ترجمان کے مطابق اجلاس میں پی ڈی ایم کے 26 مارچ کے لانگ مارچ کی تیاریوں کا جائزہ لیا جائے گا۔ اجلاس میں لانگ مارچ میں شرکت کیلئے انتظامی کمیٹیاں تشکیل دی جائیں گی۔

مزید پڑھیں: پی ڈی ایم: لانگ مارچ کو دھرنے میں تبدیل کرنیکی تجویز

خیال رہے کہ پی ڈی ایم میں شریک جماعتوں نے 26 مارچ 2021 کو اسلام آباد کی طرف لانگ مارچ کرنے کا اعلان کردیا ہے۔ پی ڈی ایم کے مطابق 26 مارچ کو پورے ملک سے قافلے اسلام آباد کی طرف روانہ ہوں گے۔

ذرائع کے مطابق پی ڈی ایم کے سربراہ مولانا فضل الرحمان نے لانگ مارچ کو دھرنے میں تبدیل کرنے کی تجویز دی ہے۔ پی ڈی ایم کے سربراہ نے کہا  ہے کہ لانگ مارچ کے تمام شرکا 15 مارچ کو اسلام آباد میں اکٹھے ہوں۔

ہم نیوز کے مطابق  انہوں نے تجویز پیش کی  ہے کہ 15 مارچ کو اسلام آباد پہنچ کر لانگ مارچ دھرنے میں تبدیل کردیا جائے۔مولانا فضل الرحمان نے یہ تجویز بھی پیش کی ہے کہ دھرنا رمضان المبارک سے ایک دن قبل ختم کیا جائے۔

متعلقہ خبریں

ٹاپ اسٹوریز