لاہور: چودھری برادران نے چیئرمین پیپلزپارٹی بلاول بھٹو سے چیئرمین سینیٹ کے لیے یوسف رضا گیلانی کی حمایت کرنے سے معذرت کر لی۔
ذرائع کے مطابق لاہور میں بلاول بھٹو سے چودھری برادران نے ملاقات کی جس میں ملکی سیاسی ومعاشی صورتحال اورعام آدمی کے مسائل پر بھی تبادلہ خیال کیا گیا۔
اس موقع پر مسلم لیگ ق کے سربراہ چودھری شجاعت حسین نے کہا کہ بلاول بھٹو ہمارے گھر آئے ان کی عزت کرتے ہیں۔
انہوں نے کہا کہ حکومتی اتحادی ہیں، ان کو تعاوَن کی یقین دہانی کرا چکے ہیں، سینیٹ میں بھی ان کے ساتھ کھڑے ہیں۔
لاہور: پاکستان پیپلزپارٹی کے چیئرمین بلاول بھٹو زرداری کی گلبرک میں چوہدری برادران کی رہائش گاہ آمد
لاہور: چیئرمین بلاول بھٹو زرداری کی مسلم لیگ قائداعظم کے مرکزی صدر چوہدری شجاعت حسین اور پنجاب کے صدر چوہدری پرویز الہی سے ملاقات@BBhuttoZardari pic.twitter.com/CrvnSzEUsF
— PPP (@MediaCellPPP) March 7, 2021
ذرائع کے مطابق چیئرمین پیپلزپارٹی بلاول بھٹو نے چودھری برادران سے چیئرمین سینیٹ کیلئے حمایت کے علاوہ پنجاب میں ان ہاؤس تبدیلی کے حوالے سے بھی بات چیت کی ہے۔
ذرائع کا کہنا ہے کہ چودھری برادران نے پنجاب سے متعلق معاملات کیلئے اگلی ملاقات تک کا وقت مانگ لیا ہے۔
دوسری جانب بلاول بھٹو نے کہا ہے کہ ق لیگ پنجاب میں جمہوریت کی بالادستی کیلئے پی ڈی ایم کا ساتھ دے۔
