نئی دہلی: بھارتی پولیس بھی پاکستانی پارری گرل کی فین ہو گئی۔
بھارتی میڈیا کے مطابق دہلی پولیس نے شیشہ بار میں چھاپہ مارا اور 24 حقے قبضے میں لے لیا۔ اس موقع پر ایڈیشنل ڈپٹی کمشنر نے سماجی رابطے کی ویب سائٹ ٹوئٹر پر ٹوئٹ کیا کہ ’’یہ ہم ہیں، یہ حقے ہیں اور اب پارری نہیں ہو رہی ہے‘‘
Yehe Hum hain..
Yehe Hooke Hain..
Aur ab Pawri nahi ho rahi haiPS- Some Pawris are not only injurious to health they are illegal too. Seized 24 Hooka from Rajouri Garden area. @CPDelhi @LtGovDelhi @DCPWestDelhi @DelhiPolice
— Addl DCP-I WEST DISTT (@i_addl) March 7, 2021
دہلی پولیس کے ایڈیشنل ڈپٹی کمشنر پرشانت گوتم نے سرکاری ٹوئٹر ہینڈل سے قبضے میں لیے گئے حقوں کی تصویر پوسٹ کرتے ہوئے مزید لکھا کہ ’ کچھ پارٹیاں نہ صرف صحت کے لیے مضر ہیں بلکہ غیر قانونی بھی ہیں۔‘
ایک سینیئر پولیس اہلکار نے کہا کہ سب انسپکٹر پرکاش کشیپ نے خفیہ اطلاع پر مغربی دہلی کے راجوڑی گارڈن کے علاقے میں ایک حقہ بار پر چھاپہ مارا۔
یہ بھی پڑھیں: رنویر سنگھ بھی پارری گرل کے فین بن گئے
انہوں نے کہا کہ ’پولیس نے دیکھا کہ کورونا وائرس کے ایس او پیز کی بھی خلاف ورزی ہو رہی تھی۔ وہاں سکریننگ مشین یا ہینڈ سینیٹائزرز نہیں تھے اور گاہک حقہ پی رہے تھے۔‘
پولیس کے مطابق کورونا وائرس ایس او پیز کی خلاف ورزی اور عوامی مقام پر تمباکو نوشی کرنے پر حقہ بار کے خلاف مقدمہ درج کر لیا گیا ہے۔
