لاہور: مریم نواز نے انکشاف کیا ہے کہ ہمارے سینیٹرز پر دباؤ ڈالا جا رہا ہے۔
مسلم لیگ ن کی نائب صدر مریم نواز نے سماجی رابطے کی ویب سائٹ ٹوئٹر پر انکشاف کیا کہ ہمارے سینیٹر کو فون کر کے کہا جا رہا ہے کہ پاکستان ڈیمو کریٹک (پی ڈی ایم) کے امیدوار کو ووٹ نہ دیں۔
انہوں نے کہا کہ کچھ کالز کو ثبوت کے طور پر ریکارڈ کر لیا گیا ہے۔
Our senators are being called and asked not to vote for PDM candidate. Some of them have recorded the evidence.
— Maryam Nawaz Sharif (@MaryamNSharif) March 11, 2021
واضح رہے کہ چیئرمین سینیٹ کی نشست پر صادق سنجرانی اور یوسف رضا گیلانی کے درمیان مقابلہ ہو گا۔ یوسف رضا گیلانی کے الیکشن جیتنے کے بعد بلاول زرداری نے اعلان کیا تھا کہ یوسف رضا گیلانی ہی چیئرمین سینیٹ کے امیدوار ہوں گے جبکہ آصف علی زرداری بھی کہہ چکے ہیں کہ حکومت کو اب چیئرمین سینیٹ کے انتخابات میں سرپرائز دیں گے۔
یہ بھی پڑھیں: خواجہ آصف کو رقم منتقل کرنے والے بھی شامل تفتیش
نو منتخب اراکین سینیٹ 12 مارچ کو اپنا حلف اٹھائیں گے اور ریٹائر ہونے والے سینیٹرز کی مدت آج 11 مارچ کو ختم ہو گئی ہے۔
12 مارچ کو صبح نئے بننے والے سینیٹر حلف اٹھائیں گے اور دوپہر کو چیئرمین اور ڈپٹی چیئرمین سینیٹ کا انتخاب ہو گا۔