جمائما گولڈ اسمتھ کو 2 سال تک کس نے ہراساں کیا؟

جمائما گولڈ اسمتھ کو 2 سال تک کس نے ہراساں کیا؟

وزیر اعظم عمران خان کی سابقہ اہلیہ و برطانوی فلم پروڈیوسر جمائما گولڈ اسمتھ نے انکشاف کیا ہے کہ ماضی میں اُنہیں دو سال تک ہراساں کیا جاتا رہا ہے۔ 

سماجی رابطوں کی ویب سائٹ ٹوئٹر پر ایک برطانوی خاتون صحافی نے تحریر کیا کہ ’مجھے نہیں لگتا کہ مرد یہ سمجھ سکتا ہے کہ ہم عورتیں بچپن سے ہی اپنے خوف کو کیسے دبا کر رکھتی ہیں۔‘

انہوں نے تفصیل بتاتے ہوئے لکھا کہ ’میں 14 سال کی عُمر سے چابیاں اپنے پاس رکھتی ہوں اور اب بھی یہی سوچتی ہوں کہ اگر کوئی مجھے ہراساں کرے گا تو کیا مجھے چیخنے چِلانے کی ضرورت ہے یا نہیں۔‘

صحافی کی اس ٹوئٹ کا جواب دیتے ہوئے جمائما گولڈ اسمتھ نے لکھا کہ ’جی ہاں، کچھ لوگ ایسے بھی ہیں جو پیدل چلنے کے ڈر کی وجہ سے ٹیکسی میں سفر کرتے ہیں مگر میں انہیں بتاتی چلوں کہ یہ بھی محفوظ نہیں ہے‘۔

انہوں نے تفصیل بتاتے ہوئے سوالیہ اندازمیں لکھا کہ ’آپ میں سے کتنے لوگوں کو دورانِ سفر مرد ٹیکسی ڈرائیور سے ڈر لگا ہے؟‘

انہوں نے اپنی ٹوئٹ میں مزید انکشاف کیا کہ ’میرے پاس ایک ٹیکسی ڈرائیور تھا جس نے مجھے دو سال تک ہراساں کیا۔‘

متعلقہ خبریں

ٹاپ اسٹوریز