خفیہ کیمروں پرفواد چوہدری اور مصطفیٰ کھوکھر کے درمیان بحث

خفیہ کیمروں پر فواد چودہری اور مصطفیٰ کھوکھر کے درمیان ٹویٹر جنگ چھیڑگئی ہے۔

فواد چوہدری نے چھوٹے کیمرے کی تصاویر شیئر کرتے ہوئے لکھا کہ یہ ہوتا ہے خفیہ کیمرا جسے ناخن میں بھی لگایا جاسکتا ہے۔

وفاقی وزیر فواد چوہدری نے کہا ہے کہ بظاہر یہ سی سی ٹی وی کیمرے لگ رہے ہیں اور جاسوسی کے لیے استعمال ہونے والے کیمرے ایسے نہیں ہوتے۔

فواد چوہدری نے ٹوئٹر پر ایک پیچ میں نصب جدید خفیہ کیمرے کی تصویر بھی شیئر کی۔ تاہم صورتحال اس وقت دلچسپ ہو گئی جب مصطفی کھوکر نے پولنگ بوتھ کے ساتھ ایک پارٹیشن میں نصب ایسا ہی ایک پیچ بھی ڈھونڈ نکالا اور اس کی تصویر فواد چوہدری کو ٹیگ کر کے ٹوئٹر پر شیئر کر دی۔

یہ بھی پڑھیں:سینیٹ ہال سے خفیہ کیمرا اور ڈیوائس برآمد

مصطفیٰ کھوکھر نے کہا کہ آپ نے اچھی نشاندہی کی۔ بوتھ کے نزدیک اس طرح کے کچھ مشکوک ڈیوائس موجود ہیں۔

وفاقی وزیرفوادچوہدری نے جوابی ٹویٹ کیا کہ سیکریٹری سینیٹ کیمروں پر کمیٹی بنا دیں۔ کمیٹی بنا دیں اس سے پہلے کہ ساری وائرنگ کو کیمرے سمجھ کے اکھاڑ دیں۔

 

متعلقہ خبریں

ٹاپ اسٹوریز