اسلام آباد: وفاقی وزیر فواد چوہدری نے کہا ہے کہ شمالی پنجاب کے لیے موٹروے وزیر اعظم کا ایک بہت بڑا تحفہ ہو گا۔
وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر لکھا کہ اس ہفتے سیالکوٹ راولپنڈی موٹروے کے پہلے فیز کا ٹینڈر آ جائے گا اور شمالی پنجاب کے لیے موٹروے وزیر اعظم عمران خان کا ایک بہت بڑا ٹوئٹر ہو گا۔
انہوں نے کہا کہ وفاقی وزیر مواصلات مراد سعید نے موٹروے منصوبے کو ممکن بنایا اور اس موٹروے سے جہلم کا اسلام آباد سے فاصلہ 45 منٹ رہ جائے گا۔
الحمٰدللہ اس ہفتے سیالکوٹ راولپنڈی موٹروے کے پہلے فیز کا ٹنڈر آجائے گا، شمالی ہنجاب کیلئے موٹروے وزیر اعظم @ImranKhanPTI کا ایک بہت بڑا تحفہ ہو گا، @MuradSaeedPTI نے اس پراجیکٹ کو ممکن بنایا، اس موٹر وے سے جہلم کا اسلام آباد سے فاصلہ 45 منٹ رہ جائیگا
— Ch Fawad Hussain (@fawadchaudhry) March 13, 2021
فواد چوہدری نے کہا کہ گوجرخان، سوہاوہ اور دینہ اسلام آباد کے نواحی علاقے بن جائیں گے جبکہ چکوال، جہلم، کھاریاں، لالہ موسیٰ اور وزیر آباد کی معاشی اہمیت میں اضافہ ہو گا۔
انہوں نے کہا کہ وزیر آباد راولپنڈی موٹروے شمالی پنجاب کے لیے گیم چینجر منصوبے ہیں جبکہ دانشور کہتے ہیں سیاستدان اپنے رویوں سے جمہوریت بحال کر سکتے یا خطرے میں ڈال سکتے ہیں۔
گوجرخان سوھاوہ اور دینہ اسلام آباد کے نواحی علاقے بن جائیں گے، چکوال، جہلم،کھاریاں، لالہ موسیࣿ، وزیر آباد کی معاشی اہمیت میں بے پناہ اضافہ ہو گا، للہ تا جہلم دو رویہ سڑک اور وزیر آباد راولپنڈی موٹر وے شمالی پنجاب کیلئے گیم چینچر منصوبے ہیں، میری تجویز کو پذیرائ دینے کا شکریہ
— Ch Fawad Hussain (@fawadchaudhry) March 13, 2021
