آئی ایس پی آر نے ملی نغمہ جاری کر دیا


راولپنڈی: آئی ایس پی آر نے 23 مارچ کے حوالے سے تیار کردہ ملی نغمہ جاری کر دیا۔

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) نے 23 مارچ کی مناسبت سے ملی نغمہ سوشل میڈیا پر جاری کر دیا۔

ڈی جی آئی ایس پی آر نے ملی نغمہ جاری کرتے ہوئے لکھا کہ ’’ایک قوم ایک منزل‘‘۔ واضح رہے کہ ملی نغمے کی تھیم بھی یہی ہے ’’ایک قوم ایک منزل‘‘

ملی نغمے میں وطن سے محبت اور قوم کے اتحاد کا پیغام دیا گیا۔

ترانہ ’ایک قوم ایک منزل‘ گلوکار علی ظفر اور آئمہ بیگ نے گایا ہے جبکہ گانے کی موسیقی بھی علی ظفر نے ترتیب دی ہے۔ ترانے کا مقصد ایک قوم ایک منزل کے مقصد کو اجاگر کرنا ہے۔

ملی نغمے کے بول عابد حسن نے لکھے ہیں جبکہ میوزک پروڈیوسر سرمد غفور ہیں۔


متعلقہ خبریں