لاہور: وزیر اعلیٰ پنجاب کی معاون خصوصی فردوس عاشق اعوان نے کہا ہے کہ پنجاب میں نوجوانوں کو قرض فراہمی کا آغاز ہو گیا ہے۔
وزیر اعلیٰ پنجاب کی معاون خصوصی فردوس عاشق اعوان نے سماجی رابطے کی ویب سائٹ ٹوئٹر پر لکھا کہ پنجاب روزگار اسکیم کے تحت نوجوانوں کو قرض فراہمی کا آغاز ہو گیا ہے اور ابتدائی طور پر 400 افراد کو 18 کروڑ مالیت کے چیک دیے جا چکے ہیں۔
انہوں نے کہا کہ اس اسکیم کے تحت نوجوانوں کو ایک لاکھ روپے سے ایک کروڑ روپے تک کے آسان قرض دیے جا رہے ہیں۔
بزدار حکومت کا بے روزگار نوجوانوں کو اپنا کاروبار فراہم کرنے کی جانب اہم قدم؛
> پنجاب روزگار سکیم کے تحت نوجوانوں کو قرض فراہمی کا آغاز۔
> ابتدائی طور پر 400 افراد کو 18 کروڑ مالیت کے چیک دئیے جاچکے۔
> سکیم کے تحت نوجوانوں کو 1 لاکھ سے 1 کروڑ روپے تک کے آسان قرض دیئے جارہے ہیں۔— Dr. Firdous Ashiq Awan (@Dr_FirdousPTI) March 15, 2021
معاون خصوصی نے کہا کہ مرد، خواتین اور خواجہ سراؤں میں 30 ارب سے زائد قرضے تقسیم کیے جائیں گے اور پنجاب روزگار اسکیم سے بے روزگاری پر قابو پانے میں مدد ملے گی۔
یہ بھی پڑھیں: خیبرپختونخوا کے 7 اضلاع میں اسمارٹ لاک ڈاؤن کا فیصلہ
انہوں نے کہا کہ پاکستان ڈیمو کریٹک موومنٹ (پی ڈی ایم) کے سیاسی بے روزگاروں کی بے روزگاری میں مزید اضافہ ہو گا۔
> پنجاب روزگار سکیم کے تحت مرد و خواتین اور خواجہ سراؤں میں 30ارب سے زائد قرضے تقسیم کئے جائیں گے۔
پنجاب روزگار سکیم سے وزیراعظم عمران خان کے ویژن روزگار کے مواقع پیدا کرنے اور بےروزگاری پر قابو پانے میں مدد ملےگی۔ لیکن PDM کے سیاسی بے روزگاروں کی بے روزگاری میں مزید اضافہ ہوگا۔
— Dr. Firdous Ashiq Awan (@Dr_FirdousPTI) March 15, 2021
