لاہور: لاہور میں سیکیورٹی اداروں نے کارروائی کرتے ہوئے 2 مبینہ دہشت گردوں کو گرفتار کر لیا۔
کاؤنٹر ٹیرارزم (سی ٹی ڈی) ذرائع کے مطابق گرفتار کیے گئے مبینہ دہشت گردوں کا تعلق کالعدم تنظیم سے ہے جنہیں لاری اڈہ سے حراست میں لیا گیا۔
ذرائع کے مطابق مبینہ دہشت گردوں کا تعلق افغانستان سے ہے جن کے قبضے سے پستول، دھماکہ خیز مواد، موبائل فونز اور ویڈیوز برآمد ہوئی ہیں۔ مبینہ دہشت گردوں کے قبضے سے اقلیتی رہنماؤں کی فہرست بھی برآمد ہوئی ہے۔
یہ بھی پڑھیں: کراچی میں رینجرز موبائل پر بم دھماکے کا واقعہ: مبینہ دہشتگرد سامنے آگیا
سی ٹی ڈی ذرائع کے مطابق مبینہ دہشت گرد مذہبی اسکالر اور اقلیتی رہنماؤں کو قتل کرنا چاہتے تھے۔
