اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ حزب اختلاف کا لانگ مارچ سے پیچھے ہٹنا اچھی بات ہے۔
وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر لکھا کہ سیاسی استحکام ملک کی ضرورت ہے اور اچھی بات ہے اپوزیشن لانگ مارچ سے پیچھے ہٹ گئی ہے۔
انہوں نے کہا کہ اپوزیشن پارلیمان میں ایک قدم آگے بڑھیں اور انتخابی اصلاحات سے بات چیت کا آغاز کریں۔
سیاسی استحکام ملک کی ضرورت ہے، اچھی بات ہے اپوزیشن لانگ مارچ سے پیچھے ہٹی ہے، پارلیمان میں ایک قدم آگے بڑھیں اور انتخابی اصلاحات سے بات چیت کا آغاز کریں، نئے الیکشن قوانین اور الیکشن کمیشن کی تشکیل کرتے ہیں عدالتی اور انتظامی اصلاحات وقت کی ضرورت ہیں اپوزیشن تجاویز دے
— Ch Fawad Hussain (@fawadchaudhry) March 17, 2021
یہ بھی پڑھیں: پی ڈی ایم کی 9 جماعتیں پیپلز پارٹی سے خوش نہیں، شاہد خاقان عباسی
وفاقی وزیر نے کہا کہ نئے الیکشن قوانین اور الیکشن کمیشن کی تشکیل کرتے ہیں جبکہ عدالتی اور انتظامی اصلاحات وقت کی ضرورت ہیں اپوزیشن تجاویز دے۔
