صدر مملکت عارف علوی نے کہا ہے کہ پاکستانی قیادت کی وجہ سے دانتوں کی صحت کا عالمی دن مقرر ہوا ہے۔
یہ بھی پڑھیں: اسلام آباد: صدر مملکت ڈاکٹر عارف علوی کی صبح لمبی واک
دانتوں کی صحت کے عالمی دن پر صدر مملکت کی جانب سے جاری کردہ ویڈیو پیغام میں کہا گیا ہے کہ میری کاوشوں سے 20 مارچ کو دانتوں کی صحت کا عالمی دن منایا جاتا ہے۔
صدر عارف علوی نے اپنے پیغام میں کہا کہ حضور ﷺ کی تقریباً 20 احادیث دانتوں کی صفائی سے متعلق رہنمائی کرتی ہیں، دانتوں کی صفائی کرنا ثواب ہے۔
ان کا کہنا تھا کہ حضورﷺ ہر وضو کے ساتھ مسواک فرماتے تھے حتیٰ کہ فرشتہ وحی لاتا تو ساتھ میں مسواک کی بھی تلقین کرتا تھا۔
یہ بھی پڑھیں: حادثاتی طور پر دانتوں کا ڈاکٹر بن گیا، ڈاکٹر عارف علوی
صدر مملکت عارف علوی نے کہا کہ دانتوں کی صفائی سے مختلف بیماریوں سے بچا جا سکتا ہے، خواتین اور مرد دانت صاف کرنے کی عادت اپنائیں۔
