اسلام آباد: پاکستان کی معروف اداکارہ مہوش حیات نے کہا ہے کہ کورونا کا شکار ہونے پر وزیر اعظم کی جلد صحتیابی کے لیے دُعاگو ہیں۔
معروف اداکارہ اور تمغہ امتیاز پانے والی مہوش حیات نے سماجی رابطے کی ویب سائٹ ٹوئٹر پر وزیر اعظم کی جلد صحتیابی کی دُعا کرتے ہوئے لکھا کہ وزیر اعظم عمران خان کا کورونا ٹیسٹ مثبت آنے کے بعد یہ ثابت ہو گیا کہ یہاں کسی کا بھی مدافعاتی نظام مضبوط نہیں ہے۔
Wishing @ImranKhanPTI a very speedy recovery. Proves the point that nobody is immune and that this pandemic is far from over. While we pray for our Prime Minister, lets also remain vigilant.#GetWellSoonPMIK
— Mehwish Hayat TI (@MehwishHayat) March 20, 2021
انہوں نے کہا کہ یہ بات بھی ثابت ہوگئی پاکستان سے عالمی وبا کورونا وائرس کا خاتمہ نہیں ہوا۔
اداکارہ نے مزید لکھا کہ ہم عمران خان کے لیے دُعاگو ہیں لیکن اب ہمیں بھی احتیاط برتنے کی ضرورت ہے۔
مہوش حیات نے اپنے پیغام میں کہا کہ میری دُعا ہے ہمارے وزیر اعظم عمران خان جلد صحتیاب ہوجائیں۔
واضح رہے کہ گزشتہ روز وزیر اعظم عمران خان کا کورونا ٹیسٹ مثبت آ گیا تھا جس کی اطلاع عمران خان کے معاون خصوصی برائے صحت فیصل سلطان نے اپنے ٹوئٹر اکاؤنٹ پر دی تھی۔
