وفاقی وزیر برائے سائنس و ٹیکنالوجی فواد چودھری نے کہا ہے کہ نیب سے مقدمات کو منطقی انجام تک پہنچانے کی توقع ہے۔
سماجی رابطوں کی ویب سائٹ ٹوئٹر پر شیئر کیے گئے ایک پیغام میں ان کا کہنا تھا کہ ملزمان کوروز تھیٹر لگانے کے مواقع فراہم کرنا مایوس کن ہے۔
عوام کی نیب سے توقع ہے کہ مقدمات کو منطقی انجام تک پہنچایا جائےملزمان کو روز تھیٹر لگانے کے مواقع فراہم کرنا مایوس کن ہے،شریف اور زرداری کرپٹ نہیں تو پھر پاکستان کرپشن فری ملک ہے، اگر ان کو سزائیں نہیں ہوتیں تو نیب بند کر کے ڈھابہ کھول لیتے ہیں ملک کےوسائل ضائع کرنے کا کیافائدہ؟
— Ch Fawad Hussain (@fawadchaudhry) March 22, 2021
فواد چودھری نے کہا کہ نوازشریف اورآصف زرداری کرپٹ نہیں توپھرپاکستان کرپشن فری ملک ہے، اگر ان کو سزائیں نہیں ہوتیں تو نیب بند کر کے ڈھابہ کھول لیتے ہیں۔ ملک کے وسائل ضائع کرنے کا کیا فائدہ؟
مسلم لیگ ن کے رہنما احسن اقبال کے بارے میں انہوں نے کہا کہ ایک اوپن ٹینڈر ہے احسن اقبال اپنے دوستوں کو کہیں حصہ لیں۔
یہ بھی پڑھیں: فواد چودھری نے اپوزیشن سینیٹرز کی صلاحیتوں کا اعتراف کیا یا طنز؟
وفاقی وزیر برائے سائنس و ٹیکنالوجی کا کہنا تھا کہ بتائیں شفافیت کیلئے کیا اور ہونا چاہیے ٹینڈر میں وہ بھی ڈال لیتے ہیں، مریم نوازجیسی نابالغ سیاستدان کی پش روی نے احسن اقبال کو سٹھیا دیا ہے۔
