ہالی ووڈ کے اسٹار اور مشہور ریسلر ڈیوائن جانسن المعروف دی راک نے چیٹ ڈے پر ڈائٹ پلان بھلا دیا۔
ہالی ووڈ اسٹار ڈیوائن جانسن دی راک ہر کردار کے لیے اپنے آپ کو فٹ رکھتے ہیں لیکن جب راک نے لاک ڈاون میں اپنے چیٹ میلز کی تصاویر شئیر کیں تو مداح حیران رہ گئے۔
دی راک کو چیٹ ڈے پر پیزا، برگر، چپس، ڈونٹ سمیت جو ملا سب ہڑپ کر گئے۔
قبل ازیں ہالی ووڈ کے اسٹار اور مشہور ریسلر ڈیوائن جانسن کا بیٹی کو ہاتھ دھونے کا طریقہ سکھانے کی ویڈیو وائرل ہوئی تھی۔
مشہور ریلسر ڈیوائن جانسن (دی راک) کی اپنی بیٹی کو ہاتھ دھونے کا طریقہ سکھانے کی ویڈیو سوشل میڈیا پر وائرل ہو گئی جس میں وہ اپنی بیٹی کو مشہور دھن پر گنگناتے ہوئے ہاتھ دھونا سکھا رہے تھے۔
47 سالہ اداکار کی جانب سے بنائی گئی ویڈیو ان کے گھر کے واش روم کی ہے جو انہوں نے اپنے مداحوں کے ساتھ شیئر کی۔
ویڈیو میں ڈیوائن جانسن اپنے واش روم میں سفید تولیے میں کھڑے ہیں اور اپنے ہاتھوں کی مدد سے اپنی بیٹی کو ہاتھ دھونے کا طریقہ سکھا رہے تھے۔
ڈیوائن جانسن نے جب اپنی بیٹی کو ہاتھ دھونا سکھانا شروع کیا تو اس نے گانے کا مطالبہ کر دیا۔ جس پر اداکار نے اپنی بیٹی کو گاتے ہوئے ہاتھ دھونے کا طریقہ سکھایا۔
