پاکستان تحریک انصاف کے سینیٹر فیصل جاوید نے کہا ہے کہ حکومت نے نیا پاکستان ہاؤسنگ اسکیم کے قرضوں کی حد میں 100 اضافہ کردیا ہے۔
سماجی کی ویب سائٹ ٹوئٹر پر اپنے پیغام میں سینیٹر فیصل جاوید نے کہا کہ رعایتی مارک اپ ریٹ کم کرکے فیصد 3 اور فیصد 5 کر دیا گیا ہے۔
وزیراعظم عمران خان کے نیا پاکستان ہاؤسنگ پروگرام کے تحت گھروں کیلئے آسان اقساط پر قرضوں کی فراہمی سے متعلق اگر آپ کوئی بھی معلومات لینا چاہتے ہیں تو اس ٹرانسمیشن کا حصہ بنیں-اتوار شام ساڑھے چار بجے۔
اب مکان کا کرایہ دینے کے بجائے گھر کی قسطیں دیں اور گھر کے مالک بنیں pic.twitter.com/0RMIh3wS1G— Faisal Javed Khan (@FaisalJavedKhan) March 26, 2021
انہوں نے کہا کہ گھر کی تعمیر کیلئے آسان قسطوں پر قرضوں کی حد بڑھا کر 1 کروڑ کر دی گئی۔ پروگرام کی نگرانی وزیراعظم عمران خان خود کر رہے ہیں۔
سینیٹر فیصل جاوید نے کہا کہ خوابوں کی تعبیر شروع گھروں کی تقسیم کا عمل شروع ہوچکا۔ اب کرایا نہیں بلکہ نہایت کم قسط دے کر آپ گھر کے مالک بن سکتے ہیں۔
یہ ایک انقلابی اقدام ہے، اب ہوگا آپکا اپنا گھر۔
سینیٹر فیصل جاوید کے مطابق قرضوں کے حصول اور معلومات کے لیے بینکوں سے رابطہ کریں۔
فیصل جاوید نے کہا کہ صرف اپنے مفادات ہوں اور عوام کی فکر نہ ہوتو یہی حال ہوتا ہے جو پاکستان ڈیموکریٹک (پی ڈی ایم) کا ہوا۔ پی ڈی ایم تو تب ہی ختم ہوگئی تھی جب عوام نے اسے مسترد کر دیا تھا۔ پی ڈی ایم کے جلسے ناکام ان کے استعفے بنے لطیفے۔
سینیٹر فیصل جاوید نے کہا کہ پی ڈی ایم کا ماضی بھی ناکام اور حال یہ ہو گیا ہے اور مستقبل آپ کے سامنے ہے۔ وزیراعظم سے این آر او کے حصول کے لیے انہوں نے انتھک محنت کی۔
وزیراعظم عمران خان سے این آر او کے حصول کے لیے انہوں نے انتھک محنت کی جو ساری بےکار گئی – لوگ کبھی بھی کسی کی کرپشن بچانے کے لیے باہر نہیں نکلتے لوگ کرپشن کے خلاف باہر نکلتے ہیں – الوداع پی ڈی ایم اے الوداع –
مسلم لیگ نون – انا للہ وانا الیہ راجعون
نون کی حالت قابلِ ترس ہے— Faisal Javed Khan (@FaisalJavedKhan) March 26, 2021
انہوں نے کہا کہ لوگ کسی کی کرپشن بچانے کیلئے باہر نہیں نکلتے لوگ کرپشن کے خلاف باہر نکلتے ہیں۔ الوداع پی ڈی ایم الوداع ، مسلم لیگ ن کی حالت قابل ترس ہے۔