وفاقی دارالحکومت اسلام آباد میں عالمی وبا کورونا وائرس کے کیسز میں اضافے کے پیش نظر ضلعی انتظامیہ نے مختلف علاقوں میں لاک ڈاؤن کا فیصلہ کر لیا۔
اسلام آباد کی انتظامیہ کی جانب سے جاری اعلامیے کے مطابق لاک ڈاؤن والے علاقوں میں ڈی ایچ اے ٹو، سواں گارڈن، پی ڈبلیو ڈی کے علاقے شامل ہیں۔
اسلام آباد: بچوں اور نوجوانوں میں کورونا تیزی سے پھیلنے لگا
اس کے علاوہ بارہ کہو، سیکٹر جی 6، جی 10 اور جی 8 کےعلاقوں میں بھی لاک ڈاؤن کا فیصلہ کر لیا گیا ہے۔
اعلامیے کے مطابق متاثرہ علاقوں میں آج رات 12 بجے سے لاک ڈاؤن نافذ ہو گا۔
خیال رہے کہ اسلام آباد میں ایک سے 10 سال کی عمر کے بچوں اور نوجوانوں میں کورونا تیزی سے پھیل رہا ہے۔
ڈی ایچ او اسلام آباد کی جانب سے سماجی رابطوں کی ویب سائٹ ٹوئٹر سے جاری پیغام میں بتایا گیا ہے کہ اسلام آباد میں ایک دن میں کورونا سے متاثرہ بچوں کی تعداد دو گناہ کے قریب ہے۔
انہوں نے بتایا کہ اسلام آباد میں ایک سے 10 سال کے 92 بچے کورونا میں مبتلا ہو گئے ہیں۔
ان کا کہنا تھا کہ گزشتہ روز سب سے زیادہ کورونا کیسز نوجوانوں میں رپورٹ ہوئے ہیں۔
کورونا وائرس: پاکستان میں مثبت کیسزکی شرح10فیصد سے بڑھ گئی
ڈی ایچ او اسلام آباد کے مطابق اسلام آباد میں ایک دن میں 10.7 فیصد کی شرح سے 709 کیسز رپورٹ ہوئے ہیں۔
انہوں نے بتایا کہ گزشتہ 24 گھنٹے کے دوران کورونا کے 6 ہزار 601 ٹیسٹ کیے گے ہیں۔
