قومی کرکٹ ٹیم کے سابق کپتان و مایہ ناز آل راؤنڈر شاہد خان آفریدی کی تصویر کی سوشل میڈیا پر دھوم مچ گئی۔
پاکستان کرکٹ بورڈ (پی سی بی) نے سماجی رابطوں کی ویب سائٹ ٹوئٹر پر شاہد آفریدی کا وال پیپر شیئر کیا ہے۔
تصویر میں دیکھا جا سکتا ہے کہ شاہد آفریدی نے کھلاڑی کو آؤٹ کرنے کے بعد جشن مناتے ہوئے اپنے مخصوص انداز میں کھڑے ہیں جب کہ اس کے پیچھے آفریدی ہیلمٹ پہنے ہوئے بھی دکھ رہے ہیں۔
Download: https://t.co/kZXvute2Am pic.twitter.com/d9JUexF4K7
— Pakistan Cricket (@TheRealPCB) March 31, 2021
خیال رہے کہ گزشتہ دنوں پاک بھارت سیریز کی خبروں سے متعلق شاہد آفریدی نے کہا تھا کہ اسپورٹس ہی ایک ایسی چیز ہے جو دونوں ممالک کے مابین تلخیوں کو دور کرسکتی ہے۔
شاہد آفریدی کا کہنا تھا کہ پاکستان اور بھارت کے مابین کرکٹ سیریز دونوں ممالک کے تعلقات کی بحالی میں اہم کردار ادا کرے گی۔
سابق کپتان نے کہا کہ کھیل اور سیاست کو ہمیشہ الگ الگ ہی رکھنا چاہیے، کرکٹ ہی ایک بڑا ذریعہ ہے جس سے دونوں ممالک کے تعلقات اچھے ہوسکتے ہیں۔
