اسلام آباد: وزیراعظم عمران خان نے کہا ہے کہ رمضان المبارک میں ہر چیز کی نگرانی خود کروں گا۔ انہوں نے ہدایت دی کہ ذخیرہ اندوزوں پر نگاہ رکھی جائے۔
وزیراعظم جلد سعودی عرب کا دورہ کریں گے، مولانا طاہر اشرفی
ہم نیوز کے مطابق انہوں نے یہ ہدایت اپنی زیر صدارت بنی گالامیں منعقدہ میڈیا اسٹریٹجی کمیٹی کے اجلاس سے صدارتی خطاب میں دی۔ اجلاس میں ملک کی سیاسی صورتحال پر بھی تبادلہ خیال کیا گیا۔
وزیراعطم عمران خان نے صدارتی خطاب میں کہا کہ ملک کی پہلی حکومت ہے جو مافیا کے سامنے کھڑی ہوئی ہے۔
وزیراعظم نے کہا کہ سٹہ بازوں، قبضہ گروپوں اور شوگرمافیا نے غریب عوام کی جیبوں پرڈاکہ ڈالا۔ انہوں نے دعویٰ کیا کہ آنے والے دنوں میں مہنگائی میں کمی آئے گی۔
کورونا کی تیسری لہر خطرناک ہے، اسپتال بھر رہے ہیں: وزیراعظم
ہم نیوز کے مطابق انہوں نے کہا کہ عالمی سرمایہ کاروں نے یورو بانڈز میں اعتماد کا اظہار کیا ہے۔ ان کا کہنا تھا کہ پاکستانی معیشت کے اچھے دن آنے والے ہیں۔
وزیراعظم عمران خان نے کہا کہ جو بھی عوام کے مفاد کو نقصان پہنچائے گا اسے نہیں چھوڑوں گا۔ ان کا کہنا تھا کہ سال کے آخر تک پورے پنجاب میں صحت کارڈز فراہم کردیے جائیں گے۔
گلگت بلتستان میں تھری جی، فورجی سروس: وزیراعظم نے پلان کی منظوری دیدی
ہم نیوز کے مطابق وزیراعظم عمران خان نے اجلاس میں واضح طور پر ہدایت دی کہ رمضان میں پناہ گاہوں میں سحرو افطارکا انتظام کیا جائے۔
