وزیر اعظم عمران خان نے ماحولیاتی تبدیلی سے متعلق کانفرنس میں پاکستان کومدعو نہ کرنے سے متعلق شور شرابے پرحیرت کا اظہار کیا ہے۔
یہ بھی پڑھیں: ملک میں مکمل لاک ڈاؤن کے متحمل نہیں ہو سکتے، عمران خان
مائیکرو بلاگنگ ویب سائٹ ٹوئٹر پر شیئر کیے گئے پیغام میں انہوں نے کہا کہ حکومت کی ماحولیاتی پالیسیاں آئندہ نسلوں کے لیے سرسبز اور صاف پاکستان کا عزم ہیں۔
میں ماحولیاتی تغیرات کےحوالےسےایک اجلاس میں پاکستان کو مدعو نہ کئےجانےپر لگائی جانےوالی بےڈھب صدائیں سن کرحیران ہوں۔میری حکومت کی ماحولیاتی پالیسیز کا کُلیِّ مدار تو ماحولیاتی تغیرات کےمہلک اثرات کم کرنےکیلئےایک سرسبز و شفاف پاکستان اپنی آئندہ نسلوں کے حوالے کرنے کا ہمارا عزم ہے۔
— Imran Khan (@ImranKhanPTI) April 3, 2021
وزیر اعظم عمران خان کا کہنا تھا کہ ماحولیاتی تبدیلی سے متعلق کانفرنس میں پاکستان کومدعو نہ کرنے پرحیرت ہے،
ہماری حکومت ماحولیاتی تبدیلی سے متعلق پہلے سے اقدامات کررہی ہے، ہم ماحولیاتی تبدیلی کے اثرات کم کرنے کی طرف گامزن ہیں۔
چنانچہ سرسبزپاکستان، 10 ارب درختوں کا سونامی،ماحول دوست اقدامات اور دریاؤں کی صفائی وغیرہ جیسےاقدامات اٹھائےجارہے ہیں۔KP سےابتداء کرتےہوئےہم 7برس کاوسیع تجربہ حاصل کرچکےہیں اورہماری پالیسیز کی تعریف وتحسین کی جارہی ہے۔کوئی ریاست ہمارےتجربات سےاستفادہ چاہتی ہےتوہم اسکےلئےتیارہیں
— Imran Khan (@ImranKhanPTI) April 3, 2021
ان کا کہنا تھا کہ ماحولیاتی تبدیلی سے نمٹنے کےلیے 2021کی کانفرنس میں ترجیحات کا تعین کرچکے ہیں، اگر عالمی براداری ماحولیاتی تبدیلی کے اثرات کا مقابلہ کرنے کیلئے سنجیدہ ہے تو غور کرے، گرین پاکستان کے اقدامات میں 10 بلین ٹری سونامی شامل ہے۔
یہ بھی پڑھیں: بھارتی وزیراعظم کا عمران خان کیلئے نیک خواہشات کا اظہار
وزیر اعظم عمران خان نے کہا کہ ہم نے 7 برس میں ماحولیاتی تحفظ کا وسیع تجربہ حاصل کیا ہے، ہم نے خیبرپختوخوا سے آغاز کیا اور پالیسیوں کو عالمی سطح پر تسلیم اور سراہا گیا، ہمارے تجربے سے فائدہ حاصل کرنے کےلیے کسی بھی ملک کی مدد کوتیار ہیں۔
