قومی اسمبلی میں اپوزیشن لیڈر اور مسلم لیگ ن کے صدر شہباز شریف کی پنجاب اسمبلی میں قائد حزب اختلاف حمزہ شہباز سے ملاقات ہوئی ہے۔
حمزہ شہباز نے اپوزیشن لیڈر قومی اسمبلی سے ملاقات کوٹ لکھپت جیل میں کی۔ حمزہ شہباز اپوزیشن لیڈر قومی اسمبلی سے ملاقات کے بعد واپس روانہ ہو گئے۔
یہ بھی پڑھیں: زائرین نے درگاہ لعل شہباز قلندرؒ کے مزار کا مرکزی گیٹ توڑ دیا، صورتحال کشیدہ
قبل ازیں مسلم لیگ ن کے صدر اور قومی اسمبلی میں قائد حزب اختلاف شہباز شریف کو کوٹ لکھپت جیل میں کورونا ویکسین کی پہلی ڈوز لگا دی گئی تھی۔
69 سالہ شہباز شریف کو جناح اسپتال کے ایم ایس کی نگرانی میں کورونا سے تحفظ کی ویکسین لگائی گئی۔
احتساب عدالت لاہو ر نے قومی اسمبلی میں قائد حزب اختلاف شہباز شریف کی کورونا ویکسین لگوانے کی استدعا منظور کی تھی۔
عدالت نے ایڈیشنل چیف سیکریٹری داخلہ کو دو دن میں شہباز شریف کو کورونا ویکسین لگانے کا حکم دیا تھا۔
یہ بھی پڑھیں: شہباز شریف کی کورونا ویکسین لگوانے کی درخواست منظور
اپوزیشن لیڈر قومی اسمبلی شہباز شریف نے استدعا کی تھی کہ میری رواں سال عمر 70 سال ہوجائے گی،عدالت ایڈیشنل چیف سیکریٹری داخلہ کو ہدایت دے کہ مجھے کورونا ویکسین لگوائی جائے۔
مسلم لیگ ن کے صدر اور سابق وزیر اعلیٰ پنجاب شہباز شریف منی لانڈرنگ کیس میں گرفتار ہیں۔
