بالی وڈ کی لیجنڈری اداکارہ اور ڈانسر ریکھا نے شادی شدہ شخص سے محبت سے متعلق سوال کا جواب دے کر مداحوں کو حیرت میں مبتلا کر دیا۔
بھارت کے مقبول سنگن شو ’انڈین آئیڈیل‘ کے میزبان جے بھنوشالی دورانِ پروگرام ایک کنٹسٹنٹ سنگر سے مذاق کر رہے تھے کہ اچانک انہوں نے اپنے سوالات کا رخ خواتین ججز ریکھا اور نیہا ککڑ کی جانب موڑ دیا۔
یہ بھی پڑھیں: امیتابھ بچن گھر کے کون سے کام کرتے ہیں؟
جے بھونشالی نے دوران پروگرام کہا کہ ’ریکھا جی، نیہا جی! کیا آپ نے کسی عورت کو ایک ایسے مرد کی محبت میں پاگل ہوتے ہوئے دیکھا ہے جو پہلے سے شادی شدہ ہو؟‘
اس سوال کے جواب میں لیجنڈری اداکارہ ریکھا نے کہا کہ ’مجھ سے پوچھیئے ناں‘۔ اداکارہ کے اس جواب پر نا صرف میزبان بلکہ دیگر ججز بھی ششدر رہ گئے۔
View this post on Instagram
سب کو حیران ہوتا دیکھ کر اداکارہ ریکھا نے کہا کہ ’میں نے کچھ نہیں کہا‘۔ جس پر سب ہنس پڑے اور میز بان نے کہا ’یہ لگا چھکا‘۔
خیال رہے کہ اداکارہ ریکھا کی سینئر اداکار امیتابھ بچن سے محبت ایک کھلا سچ ہے جس کے بارے میں ہر کوئی جانتا ہے۔ ریکھا نے امیتابھ اور جیا بچن کی شادی کے بعد بھی کئی مواقع پر اداکار سے اپنی محبت کا اظہار کیا۔
یہ بھی پڑھیں: اس شب کی سچی کہانی جو سلمان اور ایشوریہ میں دوری کا سبب بنی
اس جوڑی نے بالی وڈ کو کئی بلاک بسٹر فلمیں بھی دیں جن میں ’مسٹر نٹور لال‘، ’مقدرکا سکندر‘، ’نمک حرام‘، ’دو انجانے‘، ’خون پسینہ اور سلسلہ‘ اور دیگر فلمیں شامل ہیں۔
