سوئنگ کے سلطان وسیم اکرم اپنی اہلیہ شنیرا اکرم کے لیے باعث فخر بن گئے۔
شنیرا اکرم نے فوٹو اور ویڈیو شیئرنگ ایپلیکیشن (ایپ) انسٹاگرام پر اپنے ویریفائیڈ اکاؤنٹ پر تحریر کیا کہ میلبورن کرکٹ گراؤنڈ کا دورہ کرکے بہت فخر محسوس کر رہی ہوں۔
View this post on Instagram
سوئنگ کے سلطان کی اہلیہ نے پوسٹ میں وسیم اکرم کی میلبورن کرکٹ گراؤنڈ کی تاریخی دیوار پر لگی تصویر بھی شیئر کی۔ تصویر میں وسیم اکرم اپنے رویتی اسٹائل میں بالنگ کروا رہے ہیں۔
یہ بھی پڑھیں: وسیم اکرم کی اہلیہ شنیرا اکرم کا ریسٹورنٹ مالکن کو چیلنج
انہوں نے یہ بھی لکھا کہ میلبورن کرکٹ گراؤنڈ میں اپنے شوہر کی تصویر دیکھ کر بہت حیرت اور خوشی محسوس ہوئی۔
شنیرا نے تحریر کیا کہ ایم سی جی ایک ایسا تاریخی گراؤنڈ ہے جس میں دنیا کے مشہور ترین ایونٹس کا انعقاد کیا گیا اور اگر کوریڈورز بول سکتے تو وہ بتاتے کہ کتنے بڑے بڑے کھلاڑیوں نے یہاں کیا کیا کارنامے سرانجام دیے ہیں۔
انہوں نے مداحوں سے بھی پوچھا کہ کیا آپ اس دیوار پر وسیم اکرم کی تصویر کو ڈھونڈ سکتے ہیں؟
یہ بھی پڑھیں: شنیرا اکرم نے وسیم اکرم کی روٹی پکانے کی تصویر سوشل میڈیا پر کیوں شئیر کی؟
خیال رہے کہ وسیم اکرم اور آسٹریلوی سوشل ورکر شنیرا تھامسن سے 2013 میں رشتہ ازدواج سے منسلک ہوئے تھے۔ شنیرا نے شادی سے قبل اسلام قبول کر لیا تھا۔