اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ پی ٹی آئی کو اپنی صفیں درست کرنا ہوں گی۔
وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر لکھا ہے کہ نواز شریف کا کوئی نطریہ نہیں اور نہ ہی ن لیگ کوئی نظریاتی جماعت ہے۔
انہوں نے کہا کہ طویل عرصہ اقتدار میں رہنے والے مفاداتی ٹولے کو نظریاتی نہیں کہا جا سکتا۔ ڈسکہ میں مسلم لیگ ن نہیں جیتی بلکہ پی ٹی آئی ہاری ہے اور اس کی کچھ وجوہات ہیں جن کی طرف میں پارٹی کے اندر توجہ دلاتا رہا ہوں۔
نواز شریف کا کوئ نظریہ نہیں ہے نہ ہی نون لیگ کوئ نظریاتی جماعت ہے ایک طویل عرصہ اقتدار میں رہنے کی وجہ سے مفاداتی ٹولہ بن جاتا ہے ان حواریوں کو نظریاتی نہیں کہا جا سکتا، ڈسکہ میں نون لیگ نہیں جیتی PTI ہاری ہے اور اس کی وجوہات ہیں جن کی طرف میں پارٹی کے اندرتوجہ دلاتا ہی رہا ہوں https://t.co/CNVA3JxdE6
— Ch Fawad Hussain (@fawadchaudhry) April 11, 2021
فواد چوہدری نے کہا کہ طویل عرصے اقتدار میں رہنے سے مفاداتی ٹولہ بن جاتا ہے اور ان حواریوں کو نظریاتی نہیں کہا جا سکتا۔
انہوں نے کہا کہ پاکستان میں جمہوریت کی امید عمران خان ہیں اور عمران خان کے مقابلے میں کوئی سیاسی قد کاٹھ کا لیڈر نہیں ہے۔
وفاقی وزیر نے کہا کہ بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا تاہم پی ٹی آئی کو اپنی صفیں درست کرنا ہوں گے۔
انہوں نے کہا کہ ملک کا مستقبل پی ٹی آئی اور عمران خان کی کامیابی سے وابستہ ہے۔
پاکستان میں جمہوریت کی امید عمران خان ہیں، ان کے مقابلے میں کوئ سیاسی قد کاٹھ کا لیڈر نہیں ہے، بلاول اور مریم کو پاکستان کا لیڈر تسلیم کرنا جمہوریت کے منہ پر تھپڑ رسید کرنا ہو گا، PTI کو اپنی صفیں درست کرنا ہوں گی اس ملک کا مستقبل PTI اور@ImranKhanPTI کی کامیابی سے وابستہ ہے
— Ch Fawad Hussain (@fawadchaudhry) April 11, 2021
