سعودی عرب: رمضان کا چاند نظر نہیں آیا، پہلا روزہ 13 اپریل کو ہو گا

عیدالفطرکاچاندنظر آئےگایانہیں؟اجلاس آج

فائل فوٹو

سعودی عرب میں رمضان کا چاند نظر نہیں آیا۔

سعودی خبر ایجنسی کے مطابق سعودی عرب میں پہلا روزہ 13 اپریل بروز منگل کو ہو گا۔

سعودی سپریم کورٹ کی جانب سے آج 29 شعبان کو چاند دیکھنے کا حکم دیا گیا تھا۔

ملک میں رمضان المبارک اور عید کا چاند ایک ہو گا، مولانا طاہر اشرفی

پاکستان میں روہت ہلال کمیٹی کا اجلاس منگل کو پشاور میں ہو گا۔

خیال رہے کہ گزشت دنوں اپنے بیان میں وزیر اعظم کے معاون خصوصی محمد طاہر محمود اشرفی نے کہا تھا کہ ملک بھر میں رمضان المبارک اور عید کا چاند ایک ہی ہو گا۔

انہوں نے کہا کہ ہم قوم کو متحد کرنا چاہتے ہیں جبکہ سائنسی علوم اور گواہی سے قرآن و سنت کی روشنی میں فیصلہ کریں گے۔ نئی رویت ہلال کمیٹی نئی روایات قائم کرے گی۔

یہ بھی پڑھیں: اسلام آباد: کورونا کے مزید 714 کیسز رپورٹ

علمائے کرام نے کہا کہ مرکزی رویت ہلال کمیٹی کی ترجیحات واضح ہیں جبکہ وزیر اعظم عمران خان کی ہدایات کے مطابق رمضان المبارک اور عید کے چاند پر اتفاق پہلی اور اہم ترجیح ہے۔ قوم کو ایک رمضان اور ایک عید کا تحفہ دینا چاہتے ہیں۔

انہوں نے کہا کہ مرکزی رویت ہلال کمیٹی سائنسی علوم اور گواہوں کو شریعت اسلامیہ کے احکامات کے مطابق دیکھے گی اور قرآن و سنت کی تعلیمات کے مطابق چاند کی رویت کا فیصلہ کیا جائے گا۔

متعلقہ خبریں

ٹاپ اسٹوریز