کراچی سے دو دہشت گرد گرفتار، حملوں کا اعتراف

کراچی: کراچی میں سی ٹی ڈی نے کارروائی کرتے ہوئے دو دہشت گردوں کو گرفتار کر لیا۔

ڈی آئی جی سی ٹی ڈی (کاؤنٹر ٹیرارزم ڈیپارٹمنٹ) عمر شاہد نے پریس کانفرنس کرتے ہوئے کہا کہ سی ٹی ڈی نے کراچی میں گزشتہ رات کارروائی کی جس میں 2 دہشت گردوں کو گرفتار کیا گیا جن میں جاوید منگریو اور ممتاز سومرو شامل ہیں۔

انہوں نے کہا کہ چائنہ ٹاؤن کے مالک کی گاڑی پر آئی ڈی انہی دہشت گردوں نے لگائی تھی جبکہ دہشت گردی کے واقعات میں غیر ملکی ایجنسیاں ملوث ہیں۔  طارق روڈ سے گرفتار دہشت گرد ایس آر اے رکن اور کمانڈر نکلا۔

عمر شاہد نے کہا کہ گرفتار دہشت گردوں کا تعلق افغانستان کی کالعدم تنظیم ایس آر اے سے ہے۔ گرفتاردہشت گرد حساس ادارے کے دفتر اور رینجرز پر حملے میں ملوث ہیں۔ ملزم ممتاز سومرو کو غیرملکی ریسٹورنٹ کے باہر سے گرفتار کیا گیا جو غیرملکی ریسٹورنٹ کے مالک کی گاڑی پر حملہ کرنا چاہتا تھا۔

یہ بھی پڑھیں: جنوبی وزیرستان میں سیکیورٹی فورسز کی کارروائی، دہشتگرد ہلاک

انہوں نے کہا کہ ایس آر اے سربراہ اصغر شاہ نے ایک گروپ بنایا تھا اور افغانستان میں دہشت گرد گروپوں کی میٹنگز ہوتی ہیں۔ یہ دہشت گرد افغانستان میں کارروائیوں کا منصوبہ بناتے ہیں۔ کالعدم تنظیم ایس آر اے کو فنڈنگ افغانستان سے ہوتی ہے۔

متعلقہ خبریں

ٹاپ اسٹوریز