اسلام آباد: وزیراعظم عمران خان سے ترکی کے صدر رجب طیب اردوان نے فون پر رابطہ کیا ہے۔ ٹیلی فونک رابطے میں دونوں رہنماؤں کے درمیان دو طرفہ تعلقات سمیت خطے کی صورتحال پر تبادلہ خیال ہوا ہے۔
ترکی خواتین کے حقوق اور صنفی برابری کے یورپی معاہدے سے دستبردار
ہم نیوز کے مطابق وزیراعظم عمران خان اور ترک صدر رجب طیب ایردوان نے ایک دوسرے کو رمضان المبارک کی بھی مبارکباد دی ہے۔
ٹیلی فونک بات چیت میں دونوں رہنماؤں نے دوطرفہ تعلقات کی مضبوطی اور اسٹریٹیجک پارٹنرشپ بڑھانے سمیت دونوں ممالک کے درمیان اعلیٰ سطح کی شراکت داری جاری رکھنے پر بھی اتفاق کیا۔
ہم نیوز کے مطابق بات چیت میں افغانستان سے امریکی فوج کے انخلا پر بھی تبادلہ خیال کیا گیا۔
ترکی نے بھی کورونا ویکسین تیار کر لی
وزیراعظم عمران خان نے افغانستان کے سیاسی حل کی ضرورت پر زور دیتے ہوئے کہا کہ بین الافغان مذاکرات نے خطے میں امن کے لیے بہترین موقع فراہم کیا ہے۔
وزیراعظم عمران خان نے ترک صدر رجب طیب ایردوان سے بات چیت میں کہا کہ افغان قیادت مسئلے کے سیاسی حل کے لیے اس موقع کا فائدہ اٹھائے۔
ہم نیوز کے مطابق وزیراعظم کا بات چیت میں کہنا تھا کہ پاکستان نےافغان امن عمل میں مکمل تعاون فراہم کیا ہے۔ انہوں نے کہا کہ پاکستان افغانستان میں پائیدار قیام امن کے لیے کوششیں جاری رکھے گا۔
ترکی: کورونا وائرس کا خاتمہ ایک منٹ میں کرنے والا اسپرے تیار ہو گیا
دونوں رہنماؤں کے درمیان ہونے والی ٹیلی فونک بات چیت میں دو طرفہ روابط کو مزید فروغ دینے پر اتفاق کیا گیا۔ وزیراعظم عمران خان نے خطے میں ترکی کے کردار کی بھی تعریف کی۔
