وٹامن ڈی کی کمی کے باعث کورونا وائرس کا خطرہ

وٹامن ڈی کی کمی کے باعث کورونا وائرس کا خطرہ

فوٹو: فائل

آسٹریلیا میں کی گئی ایک تحقیق کے مطابق وٹامن ڈی کی کمی کے باعث کورونا وائرس، کینسر اور ذیابیطس جیسے امراض میں مبتلا ہونے کا خطرہ بڑھ جاتا ہے۔

یہ بھی پڑھیں: کورونا: وبا کو شکست دینے والے افراد کیلیلے ویکسین کی ایک خوراک کافی ہے، تحقیق

تحقیق کے مطابق دھوپ میں پائے جانے والے وٹامن ڈی کی انسانی جسم میں کمی کے باعث پٹھوں کی کمزوری لاحق ہو سکتی ہے۔

وٹامن ڈی جو کہ انڈے کی زردی، مچھلی، پنیر اور مشروم میں پایا جاتا ہے اور انسانی صحت کے لیے بہت ضروری تصور کیا جاتا ہے کی انسانی جسم میں کمی کے اثرات پر تحقیق کی گئی۔

آسٹریلیا میں چوہوں پر کی گئی تحقیق میں یہ امر سامنے آیا کہ وٹامن ڈی کی مناسب مقدار نہ ملنے کے باعث جسم میں مائیٹوکونڈریا کے عمل میں سستی آ جاتی ہے۔ یہ عمل پٹھوں کو طاقت فراہم کرتا ہے۔

تحقیق سے ثابت ہوا ہے کہ معمر افراد کو ضرورت کے مطابق وٹامن ڈی ملنے سے ان میں پٹھوں کے ٹوٹ پھوٹ کے عمل کو بھی روکا جا سکتا ہے۔

یہ بھی پڑھیں: جہاز میں درمیانی نشست خالی چھوڑنے سے مسافروں کو کورونا وائرس کا خطرہ کم ہوسکتا ہے؟

تحقیق سے یہ بات بھی سامنے آئی ہے کہ یورپ کے ہر دس میں سے چار باسی وٹامن ڈی کی کمی کا شکار ہیں۔

متعلقہ خبریں