ریاض: سعودی عرب کی وزارت داخلہ نے حج و عمرہ سیکیورٹی فورس میں شامل خاتون کی تصویر سوشل میڈیا پر جاری کی ہے۔
سعودی عرب: مسلح افواج میں خواتین کی بھرتیاں شروع
خاتون سیکیورٹی اہلکار خانہ کعبہ کے طواف کو منظم کرنے میں حصہ لے رہی ہیں۔
سعودی عرب کی وزارت داخلہ نے سماجی رابطے کی ویب سائٹ ’ٹوئٹر‘ پر اپنے اکاؤنٹ پر خاتون سیکیورٹی اہلکار کی تصویر جاری کی جو ریکارڈ وقت میں وائرل ہوگئی ہے۔
#من_الميدان ، “أمن الحج والعمرة”@security_gov pic.twitter.com/5j93CKcmzl
— وزارة الداخلية (@MOISaudiArabia) April 19, 2021
سعودی عرب کی وزارت داخلہ کی جانب سے سماجی رابطے کی ویب سائٹ پر شیئر کی جانے والی تصویر میں دکھائی دے رہا ہے کہ خاتون سیکیورٹی اہلکار عمرہ زائرین سے خانہ کعبہ کے طواف کے دوران حفاظتی ماسک اور سماجی فاصلے کی پابندی کرا رہی ہیں۔
سعودی خواتین اب طلاق سے لاعلم نہیں رہیں گی
خلیجی اخبار کے مطابق صارفین نے عمرہ زائرین کی سلامتی اور مسجد الحرام کے تحفظ کے انتظامات میں خواتین کی شرکت پر پسندیدگی کا اظہار کیا ہے۔