جاندار اداکاری اور خوبصورت مسکراہٹ سے دلوں کو موہ لینے والی پاکستان کی معروف اداکارہ عائزہ خان انسٹاگرام پر چھا گئیں۔
عائزہ خان ان پاکستانی اسٹارز میں سے ایک ہیں جو سوشل میڈیا پر سرگرم دکھائی دیتی ہیں اب اداکارہ کے انسٹاگرام پر فالوورز کی 86 لاکھ ہو گئی ہے۔
View this post on Instagram
انسٹا فالوورز کی تعداد 86 لاکھ پر پہنچنے پر اداکارہ نے فوٹو اور ویڈیو شیئرنگ ایپلیکیشن (ایپ) پر مداحوں کے نام ایک پیغام بھی جاری کیا ہے۔
یہ بھی پڑھیں: عائزہ خان نے فلموں میں کام نہ کرنے کی وجہ بتا دی
عائزہ نے اپنے پیغام میں 8.6 ملین کی تصویر لگائی اور ساتھ تحریر کیا کہ ’مجھ پر بھروسہ کرنے کا شکریہ، میری طرف سے تمام چاہنے والوں کو بہت سارا پیار۔‘
عائزہ خان پہلی پاکستانی شوبز شخصیت ہیں جن کے انسٹاگرام پر 80 لاکھ یا اس سے زائد فالوورز ہوئے ہیں۔
خیال رہے کہ عائزہ خان اپنے مداحوں کو یکے بعد دیگرے ہٹ ڈرامے دینے کے بعد آج کل ماڈلنگ کی جانب زیادہ متوجہ دکھائی دیتی ہیں۔
یہ بھی پڑھیں: عائزہ خان دانش تیمور کی شکرگزار، مگر کیوں؟
انہوں نے حقیقی معنوں میں شہرت ہم ٹی وی کے ڈرامہ سیریل ’میرے مہرباں‘ اور ’تو دل کا کیا ہوا‘ سے حاصل کی۔ عائزہ خان کا شمار نا صرف ٹی وی بلکہ سوشل میڈیا کی بھی مقبول ترین پاکستانی اداکاراؤں میں ہوتا ہے۔
