ممبئی: بالی وڈ میں اداکاری سے زیادہ متنازع بیانات اور تنازعات کے سبب سرخیوں میں رہنے والی اداکارہ کنگنا رناوت نے ملک میں آبادی کو کنٹرول کرنے کے لیے تیسرے بچے کی پیدائش پر والدین کو سزا دینے کی تجویز پیش کردی ہے۔
بھارت: اسپتال میں اکسیجن کی عدم دستیابی سے 22 کورونا مریض دم توڑ گئے
اداکارہ نے یہ تجویز سماجی رابطے کی ویب سائٹ ’ ٹوئٹر‘ پر جاری کردہ اپنے ایک بیان میں دی ہے۔
We need strict laws for population control, enough of vote politics it’s true Indira Gandhi lost election and later was killed for taking this issue head on she forcefully sterilised people but looking at crisis today at least there should be fine or imprisonment for third child.
— Kangana Ranaut (@KanganaTeam) April 20, 2021
اداکارہ نے بھارت میں آبادی کو کنٹرول کرنے کیلئے تیسرے بچے کی پیدائش پر والدین کو سزا دینے کا مطالبہ کیا ہے۔
بھارت: مسجد کووڈ19 کیئر سینٹر میں تبدیل
کنگنا رناوت نے لکھا ہے کہ آبادی کنٹرول کرنے کے لیے سخت قوانین بنانا چاہئیں۔ ان کا کہنا ہے کہ یہ بھی سچ ہے کہ اندرا گاندھی الیکشن ہار گئی تھیں اور بعد میں انہیں اس مسئلے کو اٹھانے پر مار دیا گیا تھا۔
اداکارہ کا کہنا ہے کہ موجودہ وقت میں بحران کے پیش نظر تیسرے بچے کی پیدائش پر والدین کو جیل یا کم از کم ان پرجرمانہ عائد کرنا چاہیے۔
بھارت کا’ڈبل میوٹینٹ‘وائرس دنیا کیلئےنیا خطرہ قرار
سوشل میڈیا پر اداکارہ کنگنا رناوت کی جانب سے جاری کردہ بیان پر بے پناہ تنقید کی جا رہی ہے۔ صارفین کا کہنا ہے کہ خود اداکارہ کے مزید دو بہن بھائی ہیں۔