متحدہ عرب امارات (یو اے ای) نے چیئرمین پشاور زلمی جاوید آفریدی کو اعزازی گولڈن ویزہ جاری کر دیا ہے۔
جاوید آفریدی اعزازی گولڈن ویزہ حاصل کرنیوالے پہلے پاکستانی بن گئے ہیں۔
View this post on Instagram
یو اے ای کا اعزازی گولڈن ویزہ حاصل کرنے پر جاوید آفریدی کا کہنا تھا کہ گولڈن ویزہ جاری کرنے پر متحدہ عرب امارات کا مشکورہوں، کوشش ہوگی کہ کھیلوں اور دیگر شعبہ جات میں کردار ادا کروں۔
یہ بھی پڑھیں: دلچسپ مقابلے کے بعد زلمی نے گلیڈی ایٹرز کو شکست دے دی
ان کا کہنا تھا کہ خواہش ہے کہ پی ایس ایل اور آئی پی ایل کی ٹیموں میں میچز کا انعقاد ہو۔
قبل ازیں حکومتِ پاکستان نے پی ایس ایل کی سب سے مقبول فرنچائز پشاور زلمی کے چیئرمین جاوید آفریدی کی خدمات کے اعتراف میں اعلیٰ صدارتی ایوارڈ ہلال امتیاز دینے کا اعلان کیا تھا۔
صدر پاکستان عارف علوی نے یوم پاکستان 14 اگست 2019 کے موقع پرجاوید خان آفریدی کو صدارتی ایوارڈ سے نوازا تھا۔
یہ بھی پڑھیں: پارری گرل دانانیر بھی پشاور زلمی فیملی کا حصہ بن گئیں
اس سلسلے میں جاوید آفریدی نے اپنے خیالات کا اظہار کرتے ہوئے کہا تھا کہ ’’میں نے ملکی خدمت اور نوجوانوں کی پر جوش مگر بردبار رہنمائی کا بیڑہ اُٹھاتے وقت یہ عہد کیا تھا کہ کسی اعزاز، عہدے اور معاوضے سے بالا تر ہو کر قوم و ملک کی خدمت کروں گا‘۔
