ایک معصوم اور خوبصورت بطخ نے پانی میں اپنی چونچ ماری تو اس کا آٹھ آنکھوں والا عکس نمودار ہو گیا۔
برطانوی خبر رساں ادارے ڈیلی میل کے مطابق ایک چھوٹی سی بطخ کی تصاویر سامنے آئی ہیں جس میں بطخ نے پانی میں اپنی چونچ ڈال رکھی ہے۔
ان تصاویر کی انوکھی بات یہ ہے کہ ان میں بطخ کی آٹھ آنکھیں دکھائی دے رہی ہیں۔ تصاویر میں دیکھا جا سکتا ہے کہ بطخ اپنی چونچ پانی میں ڈال کر لطف اندوز ہو رہی ہے۔
تصاویر کا بغور جائزہ لینے پر پتا چلتا ہے کہ ننھی بطخ پانی میں اپنا عکس دیکھ کر خوش بھی ہو رہی ہے اور لطف اندوز بھی۔ ایسا لگتا ہے کہ بطخ پہلی مرتبہ اکیلی تیرنے آئی ہے۔
یہ بھی پڑھیں: تین سروں والا بطخ کا عجیب الخلقت بچہ
ننھی بطخ کی یہ خوبصورت تصاویر ڈیو مین نامی فوٹوگرافر نے 20 منٹ میں کھینچیں۔ فوٹوگرافر کا کہنا ہے کہ یہ اپنی نوعیت کی بہت منفرد تصاویر ہیں۔