ممبئی: بالی وڈ کے ممتاز اداکار سلمان خان کی نئی فلم رادھے کا ٹریلر ریلیز کردیا گیا ہے۔
سلمان خان کا شاہ رخ کی فلم کا معاوضہ لینے سے انکار
ہم نیوز کے مطابق سلمان خان نے صبح ٹوئٹر پر فلم رادھے کا پوسٹر شیئرکرتے ہوئے کہا تھا کہ وہ رادھےکا ٹریلر آج ہی ریلیز کریں گے۔
بالی وڈ فلم انڈسٹری میں بھائی کے نام سے مشہور سلمان خان نے لکھا تھا کہ آرہا ہوں آپ کا موسٹ وانٹیڈ بھائی ۔
سلمان خان نے اپنے وعدے کی تکمیل کرتے ہوئے فلم کا ٹریلر ریلیز کردیا ہے جو کہ سوشل میڈیا پر وائرل ہورہا ہے اور سلمان خان کا نام بھی ٹوئٹر پر ٹرینڈ کررہا ہے۔ ایکشن سے بھرپور فلم رادھے میں سلمان خان ڈرگ مافیا سے لڑتے نظر آئیں گے۔
سلمان خان نے شادی کے لیے بیٹی کاہاتھ مانگا، اداکارہ کے والد نے انکار کردیا
اداکار رندیپ ہودا فلم میں ولن کا کردار نبھا رہے ہیں جب کہ ہیروئین کا کردار دیشا پٹانی نبھارہی ہیں۔
بالی وڈ کے معروف اداکار جیکی شروف بھی فلم میں اہم کردار نبھارہے ہیں جب کہ اداکارہ جیکولین فرنینڈس بھی ایک گانے میں اپنے فن کے جلوے بکھیرتی دکھائی دیں گی۔
کارڈز چھپوانے کے بعد سلمان خان کا شادی سے انکار
سلمان خان کی فلم رادھے گذشتہ سال عید پر ریلیز کی جانی تھی لیکن کورونا کے باعث ایسا نہ ہوسکا تھا۔ اب یہ فلم عیدالفطر کے موقع پر 13 مئی کو ریلیز کی جائے گی۔
