عالمی وبا کورونا وائرس کی شدت میں اضافے پر غیر ملکی کھلاڑیوں کا بھارتی لیگ چھوڑ کر جانے کا سلسلہ جاری ہے۔
بھارتی میڈیا رپورٹس کے مطابق آسٹریلوی کرکٹر ایڈم زیمپا،ا ین رچرڈسن اور اینڈریو ٹائی آئی پی ایل چھوڑ کر آسٹریلیا روانہ ہیں۔
ان کے علاوہ انگلش کرکٹر لائم لیونگ سٹون پہلے ہی بھارتی لیگ چھوڑ کر جا چکے ہیں۔
بھارت: کورونا بے قابو، ایک دن میں ساڑھے 3 لاکھ سے زائد کیسز
جب کہ بھارتی کھلاڑی روی چندر ایشون بھی لیگ سے دستبردار ہو گئے ہیں۔
خیال رہے کہ بھارت میں کورونا وبا کی دوسری لہر نے تباہی مچا رکھی ہے۔
میڈیا رپورٹس کے مطابق بھارت میں گزشتہ ایک ہفتے کے دوران 17 لاکھ سے زائد افراد کورونا سے متاثر جب کہ ہزاروں ہلاک ہو چکے ہیں۔
رپورٹس کے مطابق آئی پی ایل میں بھی کئی کرکٹرز اور اسٹاف اراکین کے کورونا ٹیسٹ مثبت آئے ہیں تاہم انتظامیہ خاموشی سے سب چھپائے بیٹھی ہے۔
